Ŋgàn 21:25 - ŊWÀʼ NYÙY

²⁵ Shií wo njoó kér fo vifa yíi yuyrí wun, bìʼ fo wó rəə́ jiiyì.

Ŋgàn 21:25 Referans Kwoze

Ŋgàn 13:4

Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

Ŋgàn 12:24

Wìr lim kitávín, wù wàa dzə kilìmbìy, wìr njoó, wù kfə̀n ji kwàn.

Matio 25:26

Tàr wov bìnèr sho jii, ‹À dzə̀ wánlè kisaŋ, à yii ŋgòy. Mo wò‑oò kiìn ji m yii yí séʼ fo wírí wùn, a wíri lim vifá, a m káv kém kávín,

Ŋgàn 26:16

Njoó kù yii yén ji wun fìír, e shaà wír anín ve á suuy kinyo ke kí kér vifií.

Ŋgàn 19:24

Njoó wáy kiwó e kighin, kí ghàʼ, fə̀m à fo wù fəə́r, e wày é shuù.

Ŋgàn 15:19

Wìr njoó kfə́ njoón, akíghàʼá sùm wun. Wìr lóo tiy réŋ e Nyùy kinyò, vinyo və́ ví wàa ghan e mboʼ.

Ŋgàn 12:27

Ŋgaà jwim woo njoó koó nyám, la wù yòʼ bàv, a wìr wo wù yii kinyo, sə́ʼəmè dzə̀ wo wù yíi a ker kéŋ.

Ŋgàn 20:4

Wìr njoó fóo shèv súm e lùm, á wíy lóo kav vifá, wù bùŋ vifá vée kav.

Ŋgàn 26:13

Wìr njoó, wù gòʼ ji bvərə̀ʼ dzə̀ é ndzə, bvərə̀ʼ dzə̀ á e dzəə yeé nsàn se laʼ.

Ŋgàn 22:13

Wìr njoó, wù gòʼ ji bvərə̀ʼ dzə̀ é ndzə, a m fəə̀ é dzəə, é wù yúyrí mo.

Joshua 7:3

Áwune dù, e wìy, e yèn Joshua, e sùúy sho jii, «Lá à yòʼ rə̀sí, a buʼ ji à ku tsə̀nsí wir dzə̀m ji wù kóʼ, e dù, e fùnèn wír veé Ay, bìʼ fo á yòʼ dzəə̀n anín. A dzə̀ à tsə̀nsí wíri moo ansə̀kì abaà kìn ataár bèy.»