Ŋgàn 21:21 - ŊWÀʼ NYÙY

²¹ Wìr lóo jùmrì kinyo ke Nyùy taʼà, lóo sham wíri, bo wù yíi a ker dzəʼə̀m ye dáa, é Nyùy wáa binsí wun, aá wáa ghvəm wun.

Ŋgàn 21:21 Referans Kwoze

Matio 5:6

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Ŋgàn 22:4

A wìr kfə́menè, ghvə́m Nyùy Tàr, bo vilaʼày və́ ví dzə̀ vikuʼùy, ghvə́m, wùn à dzəʼə̀m ye dáa.

Hibru 12:14

Vèn wáa mùm kitávín ji vèn à wíri wáa dzə dzə́ ye juŋe ji nyaáŋ, e kfə̀n a mùm feyì ji vèn wáa ker a dzəʼə̀m ye yí wáa dzə e juŋ, là nsem, a kiíy jii, a wìr bùŋ dzəʼə̀m yee bey, bo bó yòʼ dzə̀ á wù wìy yèn Nyùy.

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

Ŋgàn 15:9

Nyùy Tàr yii nyaysì liì wìr ve á méŋ wun, koŋ wír ve á yii kinyo kee tìítiy.

2 Timoti 2:22

Mo kí dzəə̀n ben, lá à yòʼ a way vifií é vinyò ve kisaŋ vi ve wónlèé yii kér shií shó. Ku wày vifií ví ji à wáa yiì a dzə̀ á vinyo ve ru ví, a way shilív e Nyùy wùn, a kòŋ wíri, a dzə ji nyaáŋ mo wír ve á tíy kév wùn à Taàtá wòsən Jesus Kristu shilív shimòʼóne yii yii.

Aysaya 51:1

Nyùy Tàr suuy jii: «Vèn yuúrí, ven ve á wáy ŋàŋ ji á kú a yiì vinyo ve ví dzəə̀n réŋ, diy ji á wáa ghan e Nyùy Tǎr mbòv, vèn shoóshí kilán ke vèn sanen fó fo ki, wun woo ŋgaà wo vèn ràmèn fo wun bvə̀m.

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Ŋwàʼ woó Rom 14:19

Vèsən ku nèn a yiì vinyo, a dzə̀ á ve ví wáa yiì, é vèsən aàfə́r vesəné wáa dzə kijuŋ, e kfə̀n yiì, é vèsən áwune maysi, e tùúy e Kristu kinyò.

1 Tesalonika 5:21

Vèn kú a saáy vinyo ve vèn yii vi vidzə̀m, a lèm ve juŋ vi,

Filipi 3:12

A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Ŋgàn 3:22

Ví yíi a dàrìr dzəʼə̀m yé, e sə wò, áà wáa ker dzəʼə̀m ye juŋe.

Nsùyrì Nyùy 112:4

Fə̀m lóo dzə e ndzə ye sənér, wír vee réŋé kù a yen rán. Yí kù kaʼày wir dzə̀m wo wù koŋ wíri, shám áwune, yii vinyo là kiloʼ.

Ŋgàn 10:16

Wìr yúnin Nyùy, wù wàa ker dzəʼə̀m ye juŋe. Wìr méŋ Nyùy, wù wàa ker liì a dzə̀ wo bi.

Ŋgàn 11:19

Wìr yii yii ye juŋe, wù wàa ker dzəʼə̀m ye dáa. Wìr wáa yiì ye bií, bo wù kù taʼ a dzə̀ kpú rə́.