Ŋgàn 21:16 - ŊWÀʼ NYÙY

¹⁶ A wìr ŋwáy yéʼéy ye yí fó vifií, bo wù kù wíy jòʼsì a dzə̀ wùn à kpúu.

Ŋgàn 21:16 Referans Kwoze

Hibru 10:38

Wír vém vee réŋé kù wíy a way shilív a dzə̀ e mǒ wùn, e wìy lùŋ. A bó yòʼ dzə̀ shilív shém shí wàa bòŋ fo wìr wo wù tsəʼtì wún é bàm.»

Nsùyrì Nyùy 125:5

Yii bèy, ké wìr ve á bin kév é dzəə sé kisaŋ si, Nyùy Tàr ku jùm áwune júmen fo wun si wùn à wír ve bií. Nyaáŋ wáa dzə e Isray.

Nsùyrì Nyùy 49:14

Á kù wíy kpukír adzə̀m moo njiì. Kpúu wíy tsəəné áwune é sày, é wír Nyùyi yov nsiì aáwuné kitu. Dzə́n sév sí wíy a fòykìr e sày, é woŋ aŋkfəə wáa dzə ji láʼ yév.

Ŋwàʼ Jud 1:12

Wír vìne kù dzə̀ ve vèn áwune yínin kikóŋ ji á koŋnìn bìʼ Jesus, aá shoor kintatì kén shoórín, bìʼ fo á wiy bèy cáʼ ji á wáa no, a yi, a dìy a dzə̀ shuu wóv. Áwune dzə̀ moo wuú ye yí kóʼkir, shwéri jùm, e kfə̀n a dzə moo vicí ve á sòŋèn fó nsay, ví yóvrí, e yùm, bìʼ fo bó yòʼ dzə̀ ví kòóm.

1 Joon 2:19

A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

Efesor 2:1

Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Tsəfaniya 1:6

M wíy laàr wír ve á bìnèn ne ndzə̀m e mò, a bó á yòʼ dzəə́ taʼ mo, a bó á yòʼ dzəə́ bee mo woo Nyùy Tàr é kinyò.»

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Ŋgàn 9:18

Yii bèy, a bó ŋgaàŋ yòʼ fə̀m kiiy ji kpúu dzə̀ á fo, a wù yòʼ yén ji və́ vé kiŋgàné kù sì a dzə̀ é sày.

Ŋgàn 2:13

áà boy fo wír ve á bìnèn ne ndzə̀m é yiì yee réŋé, wír ve á ghán a dzə̀ é ndzə vitsə̀ʼ.

Ŋgàn 11:19

Wìr yii yii ye juŋe, wù wàa ker dzəʼə̀m ye dáa. Wìr wáa yiì ye bií, bo wù kù taʼ a dzə̀ kpú rə́.

Esiker 18:24

«Yii bèy, a wìr wo wù yii réŋ lò, e kfə̀n bìn ndzə̀m e wun yiì yee réŋé, a yiì a dzə̀ liì kisaŋ, kfə́ə wo ambùʼtìvìnyòo yii kérí, wù wàa dzə sho e tin a? Bó yòʼ dzə̀ á kfə̀n a kuumé kinyo fo vinyò vee réŋ ve wù‑uù yii. Mo liì və kù siìn wo bi, wù lì ne njò, a wù kér fóo kpu bìʼ vinyo ve bi ví ve wù buʼtì.

Ŋgàn 5:23

Mo á sər, a bó wù yòʼ yú, bo kù dzə̀ fo kpú rəə́ yíi lò, é kiyúŋsì kfə́ ki yii, é wù bívír kitú kfə́, e bìr ŋkuuŋkùŋ.

Ŋgàn 19:16

Wìr yúnin nsər, wù kìŋsìn kitú kfə́, ŋwáyí, wù dù é sày e kiwuú kí.