Ŋgàn 21:14 - ŊWÀʼ NYÙY

¹⁴ Fómo woó kilìtì yii rəər dòʼshwiíy, a woo bámbám rəər dòʼshwiíy wo tavín.

Ŋgàn 21:14 Referans Kwoze

Ŋgàn 18:16

Wìr fó fómo, wù mvə̀ʼ dzə́ə sə́, e kòóy dzə́ə sé a suŋnín wùn à wír ve kuʼkìné.

Ŋgàn 19:6

Kùʼùn wìr kù yii diy ji wìr wo kuʼùn wáa kòŋ áwune, à lóo fo fómo, wìr dzə̀m wàa dzə ŋkar yè.

Ŋgàn 17:8

Kòyàr lim fo ŋgaà fo moo shív, wù binkìr fo feé, wù kùʼ kúʼun.

Ŋgàn 17:23

Wìr kisaŋ lo, wù nyàʼtí, e sə̀ kòyàr, e nèn bìn nsaʼ, e fò a dzə̀ e ŋgaà njò.

1 Samuel 25:35

Davir nèn sə̀ vifá ve wù kì wiy e fo e wun, e sùúy e wun jii, «Á kfən fo laʼ ji nyaáŋ. M yù ne kisúŋnìn ké, a m yíi yiì mo à lóné.»

Kèʼlo 43:11

Tàr wov Isray yòŋ aáwune jii, «A fèn dzə̀ ji á mo kí kér fó a dzə, vèn kù tày vifá ve juŋ vímóʼ ví veé wòŋàn, e wày e věn vibàm, a səy sho ji fómo taà saʼ woo shó. Vèn ku lì mentuʼ me kilày kee *baam wùn à kee *mer ki, à virə̀ʼtìn ve vifa vi. Vèn kfən lì sa vilu, e lì báŋ se vici vee *pistacio si, à sé *almon si.

Kèʼlo 32:20

Lá á yòʼ làysìn fó suúy ji wánlè və lìm woo Jakov wiy a fo bàm. Jakov‑iì tsə́nsi afómo vin fo mbìy, rəm jii, wun yún kitú kfə́ shó fo Esav, shilív sə́ shí rəsìnè, é bo wùn wun tárnín, tàm e ghan símóʼ sí, é wù səə́sí á wun.