Ŋgàn 21:12 - ŊWÀʼ NYÙY

¹² Nyùy kù yén kinyo ke kí kooy e wìr wo wù méŋ wun lav, a wun woo ŋgaà yiì yee réŋ kù yíi yiì, é lòné shóv wír ve á méŋ wun.

Ŋgàn 21:12 Referans Kwoze

Ŋgàn 14:11

Wìr lóo tiy réŋ e Nyùy kinyò, lav rə wàa kuy, wìr méŋ Nyùy, lav rə bvəə̀rí.

1 Korin 10:5

Mo áwune fə̀m‑eè rə́si yén vinyo vìn vidzə̀m bèn, kùʼùn wìr yòʼ‑oò ló a yiì kinyo ke kí wáa bòŋ Nyùy gheéy. Wù nèn yùyrí vee shooy, e màʼrì dzə́n sév é woʼ fóo fèy.

Amos 4:11

«Mò‑oò laàr ŋkà se laʼ sén símóʼ sí mo mò‑oò laàrìn Sodom wùn Gomorra. Kibér ki bóy ji cóʼ moo shiŋkaʼ she shí shwiin, e lòo mày, á jón fó kiy. Yii bèy, la vèn yòʼ kfən é bàm e mǒ wùn. Suuy mo woo Nyùy Tàr.

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Nsùyrì Nyùy 107:43

Wìr wo wù kér vifií kú a rə̀tì vinyo vìn. Wìr msòŋ kú a kwàʼtì koŋ ye Nyùy Tàr kér fo wír vəə́.

Nsùyrì Nyùy 52:5

Yii bèy, Nyùy yíi sènèr wò ŋkuuŋkùŋ. Wù yíi sèn wò, e sə̀ŋ, e fəə́r fo wò kibàn, e laàr wò fo kitu ke nsay láarin.

Ŋwàʼ Jov 8:15

Wù yéʼti e wun bùʼ, a bó yòʼ dzə̀ wù kìŋsìn wun. Wù lùm ne kéŋ rə́, e kpù shó, a bó yí yòʼ yíi tiytíy.

Ŋwàʼ Jov 5:3

M yèn ne kiyúŋ, a kí méŋ Nyùy kù tsəətìn tsəə̀tìn e bùʼ, yii bèy, m sásín kém, e mèŋ kéŋ rə́ rən méŋén.

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Ŋgàn 13:6

Yíi lànjòó kiŋsìn wun, a njiìn wìr wo bi kù maʼ wun máʼan.

Kèʼlo 19:29

Á mo Nyùy‑iì lóo laàr ŋkà se laʼ seé mboʼ foo fèy sìn, e kuùmé kinyo ke Abraham‑eè lonen, e fə̀ə́r Lot, e bóo laàr ŋkà se laʼ sìn, é wù boy.

Ŋgàn 29:16

Wír ve á méŋ Nyùyi kóʼ e ntaʼ, vinyo ve bi ví kùʼ, yii bèy, wír ve á yú Nyùyi kù wíy yen mo sáʼ yéví gbu.