Ŋgàn 21:10 - ŊWÀʼ NYÙY

¹⁰ Wìr wo wù méŋ Nyùy kù yii kér shií a dzə̀ é kinyò ke bi kí, a bó wù yòʼ yii rə́r mendzən me fər və.

Ŋgàn 21:10 Referans Kwoze

1 Joon 2:16

A vinyo veé ndzə vìn vi dzə̀ jii, wíri lo, á wàa yiì vinyo a dzə̀ ve mensə́ mev mè taʼà, yén vifá, á wàa siimé, e kfə̀n a yiì vinyo vímóʼ ví vinín ji á fíʼ a koʼór wún. A bó vinyo vee shoon vi yòʼ lo fo Nyùy gheéy, dzə̀ veé ndzə fèn.

Ŋgàn 3:29

Lá à yòʼ a ba menàŋ e fər wò bàm, a wù dzə́ e wò ghaŋ, yoy, tiir a dzə̀ e wò wùn.

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

1 Korin 10:6

Kinyo ke kí‑iì kooyin áwune vee fó ŋgùʼ kin ki nén a dzə ntir fo vèsən vee lène ji lá vèsən yòʼ a yaŋrí a ji á wáa yiì vinyo ve dzəə̀n ve bi ví moo vee shooy vee wír.

Ŋgàn 21:13

Wìr səmrì vituʼùr fóo yu tóŋ ŋgaà kitàn, Nyùy sə̀mrì sá fóo yu rə́.

Ŋgàn 12:12

Wír ve á méŋ Nyùyi siíme bùʼ aŋgàa yiì ye bií, a Nyùy kù fó dzə́ə kòóy e wír ve á koŋ wune.

Nsùyrì Nyùy 112:9

Wù kér wó rə́ tèéter fo vé kitàne ghán sidzə̀m, aá kù wíy a fèr liì və wo juŋ, e dù, e mày. Á wíy bùʼ wun e vitaáví ví wùn à viwìr vi.

Nsùyrì Nyùy 112:5

Bòŋ ké wìr wo wù kér wó tèéter, foor wíri mbàm. Wír, wo wù yii vinyo və́ là kiloʼ.

Nsùyrì Nyùy 36:4

Wù lóo neŋ e kikun, wù wàa baʼtí a dzə̀ kighèʼ. Wù kù sí taʼ a dzə̀ dzə́ə sé kisaŋ si. Jòkìnyàʼ, bó wù yòʼ bin ndzə̀m é yiì ye bií.

Ŋgàn 2:14

Áwune yú vijuŋ e vinyò ve á buʼtì, tiir vifií a dzə̀ é vinyò vee yiì e kúmé.

Ŋgàn 14:21

A wìr ŋwáy ŋgaà shuù lav və, bo dzə̀ kinyo ke bi kí, wù wáa rər mendzən me ŋgaà kitàn, wù wàa ker kisəəvì.

Ŋgàn 21:9

Kí bòŋ a dzə e kiŋkfə̀ʼ ke lav, e shaà fó a dzə e lav vèn wiiy kinyàm.