Ŋgàn 20:7 - ŊWÀʼ NYÙY

⁷ Wìr wo wù yú Nyùy yii ghvə́m kitú kfə́ e njiìn və, a Nyùy səəvì wón və́ bìʼ wun.

Ŋgàn 20:7 Referans Kwoze

Nsùyrì Nyùy 112:2

Wón vəə́ wíy a ker vitaáví é wòŋ. Nyùy Tàr wíy səə̀vì rám wìr ve á yii réŋ.

Nsùyrì Nyùy 37:26

Wír ve á yii réŋé kér wó yév tèéter. Á kù foor wíri vifá ghán sidzə̀m. Wón véví dzə̀ kisəəvì e wírí mvəm.

Jeremia 32:39

M wíy yiì, aáwune wáa dìy kinyo kimòʼón, a tiír vifií cáʼ ji á wáa ghvəm mo ghán sidzə̀m, aáwune nèn wìy a dzə kijuŋ, é rám yéví wìy a dzə sa bèy.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Lim Aŋgàa Ntum 2:39

Nyùy‑iì lo kàʼ vèn à wón véné é kinyò fèn, e kfə̀n kàʼ sa vitúm ve ví yòʼ sí kiiy wun vidzə̀m. Ŋkàʼmé woo shoon dzə̀ fo wíri adzə̀m ve Nyùy Tàr woo Nyùy wòsən jaŋ ji á wiy, e yèn wun.»

Ŋgàn 19:1

Bòŋ a tàn, a ker liì wo juŋ, e shaà ké a boʼtí kimboʼtì, a yiì kiyúŋ.

Ŋgàn 13:22

Wìr wo juŋ kù yíi a ker kéŋ yée lèm ji vitsə́ʼ e rám rəə́, a bùʼ ŋgaà yiì ye bií wíy dù a dzə̀ e wír ve á yú Nyùyi.

Ŋgàn 14:2

Wìr lóo dzə wir jwáʼ, bo dzə̀ wír wo wù ghvə́m Nyùy. Wìr lóo ker kiŋaamè ke liì, bo dzə̀ wír wo wù ŋwáy Nyùy.

Nsùyrì Nyùy 15:2

Dzə̀ wír wo wù ghán e Nyùy mbòv là nsem, yii kinyo kee tìítiy, suuy suuyrú shilív shimòʼón.

Kèʼlo 17:7

M wíy a yùŋrì mensaŋ mem wòsò, e kfə̀n a yùŋrì vèr à rám yé ye yí dzəə́ wìy a wìy fo bàm, é ŋgwàʼ sí ŋgwàʼ si, é wáa dzə mensaŋ me mè gòʼòn ne ŋkuuŋkùŋ. A dzə̀ jii, m wíy a dzə Nyùy wò, e kfə̀n a dzə wo ràm yé.

Ŋwàʼ Luk 1:6

Wùn wiiy və wáa yiì vinyo réŋréŋ mo Nyùy taʼà, a yu sáʼ Nyùy, e kfə̀n a lèm nsər sə́ sidzə̀m, a dzə là nsem.

Nsùyrì Nyùy 26:1

Éè Nyùy Tàr, dìn ji m dzə̀ là jay. Dzəʼə̀m yémé dzə̀ là shilóm, a m tìír ne vifií a dzə̀ e wò wùn. Bó m yòʼ yíi lèrìr, e gbù.

Aysaya 33:15

Kù dzə̀ kfə́ə wìr wo wù yúnin Nyùy, ghán e wun mbòv, suuy kinyo a dzə̀ ke ru kí. Wír, a wù ŋwáy seʼ mbóʼmé ŋwayín, tén fó a sə kòyàr. Ŋgaàŋ yòʼ kóŋ yu kinyo kee ji á yúyrí wír, kù fə́ti wó rə́ fətín fó kinyò ke bi kí.

Nsùyrì Nyùy 26:11

Yii bèy, m dzə̀ kém, a dzəʼə̀m yémé dzə̀ là shilóm. Ku bòyìr mo fó mvə̀m ŋgeʼ, e shàm mendzən mem mè.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋgàn 14:26

À lóo yunín Nyùy Tàr, bo wù sì kóy wó wo tavíné, e kfə̀n a dzə kikiŋ ke vèn à wón vée.