Ŋgàn 20:6 - ŊWÀʼ NYÙY

⁶ Wìr lo, wù kù sùúy ji m dzə̀ wir jwáʼ, yii bèy, a dzə̀ á yèn wir jwáʼ e fèé?

Ŋgàn 20:6 Referans Kwoze

Nsùyrì Nyùy 12:1

Éè Nyùy Tàr, ku sə̀ ver, bó wìr wo wù tíy e wò kinyò yòʼ dzə̀ə́, a wìr jwáʼ yòʼ kfə̀n dzə̀ə́ e wìr msǒŋ mvəm.

Matio 6:2

«Kí nén a dzə jii, vèn lóo fo kifá e ŋgaà ŋgeʼ, lá á yòʼ a toŋ sóŋ mo vé kindìnwùné yii yii e ŋgày se bùnrì, kfə̀n yii e màdzəə̀ ji wíri fíʼ a yen, a burí áwune. Vèn wáa kiíy rú jii, búrí yee shooyi sì vév vee vilaámé bey.

Ŋwàʼ Luk 18:8

Vèn wáa kiíy jii, Nyùy kù yíi bìn nsaʼ yev, e sə áwune, a bó yòʼ dzə̀ wù wàa ghvəə. Yii bèy, ŋgaà wo yírí dzəə̀n Wanwìr kù yòʼ wíy lòo kfən, é wù yén wír ve á wáy shilív e wun woo Nyùy wùn á?»

Ŋwàʼ Luk 22:33

Pita nèn bìnèr jii, «Tàr, kìn à du a dzə̀ é sháŋ, kìn á yúyri wò yúyrín, bo kù dzə̀ wòsò.»

Ŋwàʼ Luk 18:11

Á nəə́, wìr woó Farasi nèn kòʼtí, e tìím jeéy, a bùnrì jii, ‹Éè Nyùy, m beerì wò ji bó m yòʼ dzə̀ moo wír ámóʼó, bo taaka moo ŋgaà wo wù báʼti mbàm se bàràʼ və̀sə. Bó m yòʼ yii táŋ kifá ke wìr, bó m yòʼ yii kuvrì kiŋkùvrì, a bó m yòʼ yii li wiiy wìr.

Ŋgàn 27:2

Lá à yòʼ a burí kitú ké, kí ghèén ji wáa burí wír wo sən wò. Bòŋ é wáa burí kiŋgwìy wò, e shaà fo kfə́n a fìʼtì wò kitú ké.

Ŋgàn 25:14

Wìr wo wù raʼsì wún bìʼ fómo, a wù yoʼ fò, dzə̀ moo mbàʼ wùn à shwéri, yee là wuú.

Jeremia 5:1

Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

2 Korin 12:11

Mo kí dzəə̀n ji m rə́si suuy kitú bèn, m yii rú moo kiyúŋ. A kù yiì ven, bìʼ fo dzə̀ ven vin ve kì dzə̀ á wàa fèr mo m dzəə̀n. Mo m fə̀m kiìn jii, mo féyì, m yoʼ mèé e kifa, vèn kì sá kijuŋ ji kinyo ke wìr ve vèn yoŋ ji aŋgàa ntum ve ghaʼtín víyi yii, ke dzə̀ kí ghàʼ mo, kí yòʼ dzə̀.

Joon 1:47

Jesus yén Nataniar, a wù wiyì, e sàsìn jii, «Á wír woó Isray woo rú. Bó wù yòʼ yii lem kinyo e bvə̀m.»

Ŋwàʼ Luk 18:28

Pita nèn lò, a bi sho jii, «Ku yèn ri mo vèr màʼtìn ne vér vee vifá vidzə̀m, a ghan e wò bàm.»

Mayka 7:2

Rúrú, wìr woo ji wù ghán e Nyùy mbòv mày ne fo kitu ke nsay, a bó wìr wo wù yii réŋ yòʼ kfə̀n dzə̀ə́ e wìr msǒŋ mvəm. Wìr dzə̀m kù sí taʼ a dzə̀ dzəə kinjuyrìwìr, tám alálán, jwím a dzə̀ afə́r shó.

Ŋgaà Tàrvìnyò 7:28

M kù dzəə́ tarì, a bó m yóʼ ne yèn. M lèéy vilum nsə̀kì, e yèn woo réŋ e mòʼón cáʼ. M leéy vikìy adzə̀m, e làa yòʼ yen woo réŋ koó e mòʼón.

Ŋgàn 20:5

Antaŋ ve á dzəə̀n e wìr kwàʼtìi dzə̀ moo ndzə́v ye yí shoon, a kù dzə̀ wír wo wù kér vifií, wo a dzə̀ wù sòvìr, e fə̀ə́r.

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

Mayka 7:1

Ŋgeʼ sém féyì! M sì moo ŋgaà vinsíy wo á kavin vifá fo kwaʼ, wù wáa ghan, a siy, a dzə moo wír wo á rèŋèn ruʼ, yí kpú, wù wáa jiysí vileérí. Vifá vìn vi dzə̀ ve m kér shií shó, a bó m yòʼ kér kée bàʼ shuu sho.