Ŋgàn 20:22 - ŊWÀʼ NYÙY

²² Lá à yòʼ a sevtí ji m kù yíi siìr ŋkfə́tír, màʼtì, é tóm Nyùy Tàr ghay wó.

Ŋgàn 20:22 Referans Kwoze

1 Tesalonika 5:15

Vèn wáa yen fo wìr wáa siìr ŋkfə́tír e wùmòʼ. Vèn kú a mùm fó a yiì a dzə̀ vinyo ve juŋ vi e věn mvəm, e kfə̀n a yiì sa bèy e wìr dzə̀m.

Ŋgàn 24:29

Lá à yòʼ a suúy ji m yíi yiì e wìr mo wù yiìn e mò, m kù yíi siìr ŋkfə́tír.

Ŋgàn 17:13

A wìr siir kinyo ke juŋ ki e ke bi kí, bo liì wo bi yòʼ wíy mày fo wun lav.

1 Pita 3:9

Wìr fə́m yii kinyo ke bi kí e wìr, lá ŋgaàŋ yòʼ siìr kinyo kee shooy. Wìr kuu wír, lá ŋgaàŋ yòʼ siìr. Kinyo ke dzə̀ vèn wàa yiì ki dzə̀ jii, wìr kuu wír, wù kù a lon cáʼ ji Nyùy shám ŋgaàŋ. Vèn wáa kuumé ji Nyùy‑iì lì ven ji və́ vee wír bèy, ji wun fiʼ shàm ven.

Remrí 32:35

Kù wíy siìr mo ŋkfə́tír, a maʼ mo ŋgeʼ e wírí kitu. Wír vìyi kù lo, e sàsìn, e lèrìr, e gbù. Kishiíy kév ké ŋgeʼ ki sì fó mentsə̀m, a ŋgeʼ se tavkín sí kù lo, a nyoòrì.»

1 Pita 2:23

Wíri‑iì kuurì wun, a bó wù yòʼ‑oò lo yiì bìnèr. Vé‑eè nyavrì sho, la wù yòʼ a taamé wír gheéy. Wù kù‑uù wày vinyo vidzə̀m a dzə̀ e Nyùy kiwo, Nyùy wo wù kù yii bin nsaʼ wìr dzə̀m mo yì dzəə̀n.

Matio 5:39

Yii bèy, m nén a dùŋrì kém e vèn jii, lá vèn yòʼ a siìr a ŋkfə́tír. A wìr dzə̀v búbuʼ yè yeé koy yìyí, à bìnèr yeé koy ŋkoòvìi, é wù maysi.

1 Pita 4:19

Kí nén a dzə jii, a Nyùy yiì ji vèn wáa yen ŋgeʼ, vèn kù a yiì a dzə̀ vinyo ve ru ví, a way vinyo vén vidzə̀m a dzə̀ e wun woo Nyùy kiwo. Bòm wun ven, a bó yòʼ dzə̀ wù shwìv ven gheéy.

Nsùyrì Nyùy 27:14

Éè wan ŋkfə wìr, ku tìír rì vifií ví a dzə̀ e Nyùy Tǎr wùn. Tiím kitávín, e kùr shilív shí. Eènó, ku tìír vifií ví a dzə̀ e Nyùy Tǎr wùn.

2 Samuel 16:12

A tàm é Nyùy Tàr yiì yèn ŋgeʼ sém, e səə̀vì mo fó kuùrì ye wù kuurì mo lán.»

Aysaya 40:31

Yii bèy, wír ve á yoy, tiir a dzə̀ e Nyùy Tǎr wùné kù wíy a gàr, a dù duùn fó mbìy, a gàr, là dór, kù moo lùŋ wo wiy wo wù féŋ e yuv. Áwune wíy a nyeŋ, e làa yòʼ a dor, a ghan, é la shwín sév sí yòʼ a seèm.

Nsùyrì Nyùy 37:34

Kú a dzə, a yuurí Nyùy Tàr, a ghan a dzə̀ e wun mbòv. Wù yíi koʼór wò kóʼórín, áà wáa dzə e wòŋ. À kù wíy a dzə e wòŋ wo wù‑uù kàʼàn ven shó, aà wíy yen mo wù laar wír ve á méŋ wun fo wòŋ.

Ŋgàn 20:21

A wìr gìtì, e yì vitsə́ʼ, a bó yòʼ sì ghán, bo kí yòʼ wíy dù réŋ.

Cù 19:18

Lá wìr yòʼ a siìr ŋkfə́tír. Lá wìr yòʼ a màʼ ŋkfəə́mé e fər və́ kitu. Wìr wáa kòŋ fə́r və mo wù koŋ kitú kfə́. Dzə̀ mo Nyùy Tàr.

1 Samuel 25:13

Davir yòŋ e wír vəə́ jii, «Vèn deevi nyùy sén sí.» Á nèn deèvì nyùy sév, Davir deèvì rə́ə. Wùn áwune nèn lò wír ghii kweè, a koʼ fo. Vee ghii bàá gòʼ e bàm, a shìy vifá.

Nsùyrì Nyùy 37:40

Wù kù yíi sə áwune, e fəə́r fo ŋgeʼ. Wù yíi fəə́r áwune fo wír ve á méŋ wuné wo. Wù boyìr áwune, bìʼ fo á tiir a dzə̀ wun fo mbìy.

Ŋgàn 19:11

Wìr fiirì, wù wàa kfəmén e dòʼshwiíy, ŋwáy kitáŋnìn, wù wàa ker ghvə́m.