Ŋgàn 20:18 - ŊWÀʼ NYÙY

¹⁸ Á tír wír, wù bà ntaŋ wo juŋ, tírí, é bo wù kiíy móo taŋ rə́r.

Ŋgàn 20:18 Referans Kwoze

Ŋgàn 24:6

a dzə̀ á kù lì a dzə̀ ntir fiì, e bóo baʼtí rə́r. Vé ntiri lóo dzə anín, bo nsiì dzə̀ é kiwo.

Ŋwàʼ Luk 14:31

«Kìn jii, a tàm fòn wùmòʼ fəə̀ ji wùn wùmòʼ maʼ rə́r. Wù lòo fəə, e yèn a woo shooy wiy, kér wír nsə̀kì mbaà, a wù kì kér kfə́ wír nsə̀kì e ghvə̀m cáʼcáʼ, wù yèe le? La wùn à wír vəə́ yòʼ tòmbìy dzə̀ʼə̀m, e lèéy ji sà kù yòʼ dzə̀ wùn à wír vee shooyi tàm a?

Ŋgàn 15:22

Wìr buu ŋgaà ntir, antaŋ vəə́ bvəə̀rí, lóo ker, á wàa dù kijuŋ.

Ŋgàn 11:14

Kitúm ki buu vé ntiri, kí gbù. Vé ntiri lóo dzə anín, bo nsiì dzə̀ é kiwo.

Atǎr Nsaʼ 20:18

Wír veé Israyi báʼtí rə́r, e nèn kòʼ é Betel, e dzə̀r e Nyùy jii, «Yíi tòmbìy dù la fo věr mvəm, e nəə́ wír veé Benjamin e rə́r sí?» Nyùy Tàr bìnèr jii, «Yíi tòmbìy dù wír veé Juda.»

Atǎr Nsaʼ 20:7

Ven ve á dzəə̀n fen adzə̀me dzə̀ wír veé Isray, vèn yèn ji vèsən‑éè yée le?»

Ŋgàn 25:8

lá à yòʼ a tav a dù sho e lav nsaʼ. A ŋgaà shweèsi wò yiì dù, e shòór wò, à lo fo bàm, áà yée le?

Atǎr Nsaʼ 9:29

A dzə̀ ji wír veé Shekeme kì dzə̀ a dzə̀ e mǒ sar saʼ, bo m kì jùmrì Abimelek, e sùúy sho ji wù dzəsi á vé rər və́, e fəə̀, aá tsəə́m rə́r.»

Atǎr Nsaʼ 20:23

Áwune báʼtí bey, e nèn kòʼ e Nyùy Tǎr kirə̀ʼ ké cù, a dìy e wun si kishiíy kifur, a lon ji wù ku tìr áwune á ji a sà dzə̀ áwune kfə̀n dù, e ghìʼ afə́r vév vee wír veé Benjamin e rə́r sí á? Nyùy Tàr bìnèr jii, «Áwune wàá ku dù.»

Atǎr Nsaʼ 19:30

Á bèy, wìr dzə̀m wo wù‑uù yenen kinyo ke vé kiŋàʼa‑aà yiìn wáa suúy jii, «Kfə́ə kinyò kee ben, ki yòʼ‑oò ghàn ne a e kòóy. A bó wìr yòʼ‑oò ghàn ne yèn á rə́mrə́m kinyò kee bèn, e kèʼ mo wír veé Israyi‑iì fəən á fo Ejiv, e meé e kishiíy fóo fèy. Á kwaʼti á kinyo ke a dzə̀ á yiì kí, e sùúy.»

1 Afòn 1:12

Yuúrí, mo‑óò tír wò mo dzə̀ à sə̀ kitú ké, e kfə̀n sə̀ sá ké wan wò Solomon.

2 Afòn 18:20

À kwaʼ ji shuu wo kumèné dzə̀ vifií a? Wú dzə̀ vitaáví ve dzə̀ ví màʼ rə́r a? À yèʼtí a dzə̀ e lá wùn, bó a tav kitú wòsò?