Ŋgàn 20:12 - ŊWÀʼ NYÙY

¹² À vituʼùr ví, à síi, bòm Nyùy Tàr, ku nèn yiì sa wun, bo á wáa yen virə́ʼ, a yu vinyo.

Ŋgàn 20:12 Referans Kwoze

Nsùyrì Nyùy 94:9

A dzə̀ Nyùy wo wù‑uù bomen vituʼùr, la wù yòʼ a yu vinyo à? A dzə̀ wun wo wù‑uù bomen sí, la wù yòʼ a yen virə́ʼ a?

Nsùyrì Nyùy 119:18

Mvə̀ʼ vifií vém ví, é m fiʼ kìíy viŋgaʼnìn ve vinyò ve ví fəə́ fo wò Ŋwàʼ Nsər.

Ŋwàʼ Fəə 4:11

Nyùy Tàr nèn dzə̀r e wun jii, «Lo fò la shuu e wìr? Lo yiì la, bo wìr wáa dzə nsəərì kìn ji kindzə̀mer? Lo yiì la, bo wìr wáa yen virə́ʼ kìn ji wù wáa dzə mfìr? Bó yòʼ dzə̀ mo woo Nyùy Tàr a?

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Ŋgàn 25:12

Wìr wo wù koŋ ntir shéʼri ŋgaà naàrì və shéʼrín, mo wiíy shèʼrí yèreŋ wo á fèrìn e kisha ke mbàm ke baar kí.

Aysaya 29:18

Wíy lòo dzə e ghan fóo fèy, wìr lóo yòŋ ŋwàʼ, é nsəərì e dzə̀m wáa yu. Mfìr e dzə̀m wíy a yen virə́ʼ, e làa yòʼ dzə́ə a ghaà virə́ʼ gháan.

1 Korin 12:17

A wúné jòʼsì ji sí, wìr wàa yu vinyo e le? A wú jòʼsì ji kituʼùr, wìr wàa yu kirəm ke kifa e le?