Ŋgàn 20:1 - ŊWÀʼ NYÙY

¹ Meluʼ mè dzə̀ ŋgaà jàʼ a me tavín mè dzə̀ ŋgaà melaà, a wìr wo wù nó, a mè koó, dzə̀ kiyúŋ.

Ŋgàn 20:1 Referans Kwoze

Hosea 4:11

«Meluʼ mè bvə̀ə́r ne vifií vé wìr vém, mo á nó mee lán, nó me shiiyín mè. Wír vémé yòʼ dzəə́ kiiy fo á dzəə̀n.

Efesor 5:18

Lá vèn yòʼ a yu a dzə̀ fó melùʼ me noón mè, bìʼ fo dzə̀ mè kù wày ven a dzə̀ é kinyò ke bi kí. Vèn kú a yu kén a dzə̀ fo Kiyoy ke Ranén kí, é kí rún e věn meliv.

Aysaya 28:7

Kí foy kí dzə̀ jii, atàá cù wùn aàŋgàa ntum Nyùyi kù sí ghán, fénkir bìʼ meluʼ me á noon, mè wáa jivír vifií vév. Á sí ghán, tuŋkìr tùŋkìn, a kù sí caacà meluʼ áwune. Á yòʼ dzəə́ yén ntum ye Nyùy Tàr din aáwune é njà kinjeenjèm, a bó áwune yòʼ dzəə́ kiiy móo tinén, e shù kinyo kee tìítiy.

Ŋgàn 31:4

Lemuel, bó kí yoʼ ghèén ji fòn wáa baŋrí meluʼ me noón mè, kìn ji atǎr saʼa wáa baŋrí meluʼ me tavkín mè.

1 Korin 6:10

kìn ŋgaàŋ dzə̀ shóŋ, kìn wù taʼ kifàʼ, kìn wù ghán, nó noón, kìn wù kuunìn kuùnìn, kìn wù faasì kimfaàsì. Vèn nèn a yen fo wìr wáa boʼtí kitú kfə́. Bó yòʼ dzə̀ kfə́ə wìr vee béne wìy nə̀ə́ e Nyùy mvə̀m saʼ gheéy.

Galatia 5:21

Aá kfə̀n siíme kinsiimè, rə́si nó a dzə̀ meluʼ, ghán bvəər virə́ʼ. M nen kfə̀n a tir ven mo mò‑oò sí tír fo mbìy, jii, vèn wáa yen a fó a yiì vinyo vìn, bìʼ fo bó yòʼ dzə̀ wír ve á yii kfəə́ se vinyò vìne wìy shòv sáʼ Nyùy e si.

2 Samuel 11:13

Fòn Davir‑iì tòóy wun, wù wìy e ntoʼ wùn wun yíkír, e nònín, wù yiì, meluʼ mè koó Uria. Uria yiì fəə̀ e ŋkuùr, e làa yòʼ fə̀m dù e wun laʼ. Wù kfə̀n‑eè shìíy a dzə̀ é shùu kibùʼ wùn à nsheèlav si.

Aysaya 56:12

Wìr lo, wù kù a suúy e wùmòʼ jii, «Vèn wáa wìy, é vèsən du, e m taʼ meluʼ, aá nó. Vèsən ku nò meluʼ me tavkín mè, e tònén, é buù kpú. Vèsən nónín, é kibvəə́shí kí bvəə́shí, a dzə kijuŋ feyì moo kishiíy ké lán ki.»

Aysaya 5:22

Lòné dzə̀ sá wó amfoòkìnó. Wír, aá bìr é melùʼ mee bìŋrì, é wìr nó, a fə̀nkìr.

Hosea 7:5

Yì‑iì dzə̀ é kishiíy ké ŋkàʼ woó ntoʼ, áwune noór fon wùn à vibay və́ ví, á nó meluʼ mè koó, á wáa tùŋkìr, la fòn yòʼ kìíy ji wun fèn sí suúsin a wùn à vé antaŋ ve bií,

2 Samuel 13:28

e tìr və́ vé lìme jii, «Amnon yií nó meluʼ, mè lóo kar e si wo, m yoŋ ji vèn wàá yúyrí, lá vèn yòʼ a fàn. Vèn kùr shilív, e yùyrí kàŋ mòʼón, bìʼ fo suuyin mo.»

Cù 10:9

«Vèn lóo nəə́ e kibàn ké ntàsín, lá wìr yòʼ nò meluʼ, kìn kifá ke noón ke tavín kímóʼ kí, kìn dzə̀ wò, kìn wón vé, fo wìr kpú. Kù sí wìy a dzə nsər bèy, e wìy dù, e mày e ŋgwàʼ sí ŋgwàʼ si.

Ŋgàn 23:20

Lá à yòʼ shèm ŋgoo amfoòkìnó, kìn ye vé kishwaa, ve á rə́si bvə́ʼ a dzə̀ nyám.

Habakuk 2:5

Rúrú, shii kifàʼ bóʼti vé kiŋkoʼòrwùné bóʼtín, a bó áwune yòʼ kér meemè. Áwune dzə̀ moo woŋ aŋkfə woo bvə̀mkúʼ bvə̀mkúʼ, a dzə moo kpú ye bvə́me yòʼ yii kúrí. Á kù koó vitúm koón, sum wir dzə̀m ji akwàn vév.

Aysaya 5:11

Lòné dzə̀ wó wìr ve ndzə lóo kaʼ kaʼán, aá ló ne e yuv, lo e yuv, kév kí kù a dzə ji á ku sù sí e bàr shilùʼ, e kù a no bèy, e meé mo yúví yíi koŋrí, a meluʼ mè koó ne áwune, a bó fóo yèe yòʼ dzə̀ə́.