Ŋgàn 2:7 - ŊWÀʼ NYÙY

⁷ Wù fó kiíy e wír vee là nseme, a dzə̀ wun ŋkeè wìr ve á yii vinyo ve ru ví.

Ŋgàn 2:7 Referans Kwoze

Ŋgàn 30:5

«Ké jì se Nyùy, sí dzə̀ là kiloʼ sidzə̀m, a Nyùy dzə̀ ŋkeè wìr ve á lir e wun sar.

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

1 Korin 1:19

A Nyùy‑iì lo sùúy kinyo kìn e wùn ŋwàʼ jii: «M wíy bvəə́r vifií vé wìr ve á kiìn vinyo, e ŋway vinyo ve wìr ve á din vifií.»

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Ŋgàn 28:18

Wìr wo wù gharin suuyrú, e kpù shó kù wíy a tiy là kinyo ké a fàn, a ŋgaà yiì ye bií kù wíy lò kfə́, e to toón é bii.

Ŋgàn 14:8

Wìr fiirì, wù wàa kiíy jeéyjeéy fó vinyò, kiyúŋ kí lóo tav kfə́ ji wun kì, kí jày dzə́ə.

Kolosia 2:3

Kù mày wun woo Kristu wo dzə̀ wù mvə̀ʼ vifií vé wìr, bo wù yén rán, e kìíy kinyo ke dzəə̀n ke ru kí.

Nsùyrì Nyùy 144:2

Wù dzə̀ ji kilán kém, kirə́ʼ ke kí kiŋsìn mo. Wù dzə̀ kóy wóm wo tavíné, a dzə̀ ŋgaà lùŋèr wom. Wù dzə̀ ŋkeè wom, a m lir a dzə̀ e wun wùn, a dzə̀ wun wo wù ton vitúm, lem e mǒ sar saʼ.

1 Korin 1:24

Yii bèy, a wír ve Nyùy shoʼon ji və́, kìn dzə̀ veé Juda, kìn veé Griki nèn yén kév ji kinyo kìn ki din a dzə̀ á vitaáví vé Nyùy, kfə̀n din a vifií və́ ve ghaʼán ví.

Ŋgàn 8:14

Tír mo wíri, a fó mo vifií ve ru ví. Yii mo, bo á wáa kiíy jeéyjeéy fó vinyò, a kiíy e ŋàŋ.

Ŋwàʼ Jov 28:8

Nyàm kwaʼ ye yì ghaamen é shiliv yóʼ ne fə̀m làʼ kiwuú kfə́ fó, a fə̀m dzə̀ bvərə̀ʼ wo wù nyamkìrì, bo wù yóʼ ne yàʼáy fó.

Nsùyrì Nyùy 3:4

M yii tóŋ e Nyùy Tàr, wù yù tóŋ yém fo wun gwan wo ranén, e sə̀ mo.