Ŋgàn 2:4 - ŊWÀʼ NYÙY

⁴ Kú a tàʼ feyì mo wìr jùm mbàm, a tàʼ moo bùʼ wo wù dzəə̀n é kilìtì.

Ŋgàn 2:4 Referans Kwoze

Matio 13:44

«Sáʼ Nyùyi dzə̀ moo fùʼ wo vé‑eè lìtìn é kwaʼ, wìr dù, e tò shó, e nàŋsín, e sə̀tí, a kfən fo laʼ, kishéʼrì ki wáa yuyrí wun yúyrín. Wù dù, e fiìnè kéŋ rə́ e dzə̀m, e bàʼtí mbàm, e yùn kirə́ʼ ké fùʼ kìy sho.

Matio 19:29

A wìr màʼtì láʼ rə́, kìn lùmér sə́, kìn jemèr sə́, kìn yè wov wùn tàr wov, kìn wón və́, kìn súm sí bìʼ mo, bo ŋgaàŋ wíy a ker wír wùn à vifá vi kàŋ wií, e shaà mo ví‑iì dzəə̀n. A wù kfə̀n wíy nəə́ sa e dzə̀ʼə̀m yee là may.

Ŋgàn 16:16

Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Ŋwàʼ Jov 3:21

Á siíme kpú, yii bèy, a yí yòʼ li áwune, koŋ fóo kpu, jwímer kpú mo wìr jwìmér fùʼ.

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Ŋgaà Tàrvìnyò 4:8

Kí dzə̀ ji wìr lo, a wù dzə̀ là wír, là wán, là fə́r, wù kù a gisín e lìm ghán sidzə̀m là meemè, a bó wù yòʼ yén kifá ke wù káví, a kí gheen wun. Bó yòʼ dzə̀ wù mèé é kiliŋ kée dzər jii, «M lim a dzə̀ fo la? Yé a lìm, a bó yòʼ dzə̀ m dzə̀ʼə̀m, a yu vijuŋ.» Kin ki dzə̀ kisáŋ, a dzə̀ lim vishi ve bi ví.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Nsùyrì Nyùy 119:127

M dzə̀ kém, a m kòŋ nsər sé, e shaà kisha ke mbàm ke baar kí, a fə̀m dzə̀ ke á tònèn ne, e shèŋrì.

Nsùyrì Nyùy 119:72

Yéʼéy ye yí fəə́ fo wò shùu bòŋ mo féyì. Yí shaà nyanyày *kisha ke mbàm ke baar wùn à ke fəvír kí kàŋ là táŋ.

Nsùyrì Nyùy 119:14

M jumrì vinyo ve à foon, yú vijuŋ, kù mo wìr wo wù kér káv e ŋàŋ yii yú.

Nsùyrì Nyùy 19:10

A dzə̀ á wàa ker shií é kinyò ke Nyùy, e shaà mó a diy *kisha ke mbàm ke baar kí, fə̀m dzə̀ ke kuʼùn kí ke á tònèn, e shèŋrì. Kinyo ke Nyùy ki nyòm, e shaà vilu, woó vilù ve ví shém fo ghàm si.

Ŋgàn 2:3

Ku lòn vifií vé a kiíy jeéyjeéy fó vinyò vi, kú a lon, a sə̀ntì.

Ŋgàn 8:17

M koŋ wir dzə̀m wo wù koŋ mo, a ve á taʼ mo é shií kù yíi yen.

Kèʼlo 26:32

Wáa dzə e kishiíy fóo fèy, wón lìm Aysìi wìy, e bì wun kùm ndzə́v ye áwune‑eè tuŋen. Áwune suúy jii, «Vèr dzə̀ a yén mendzə́v.»

Ŋgàn 4:7

Bó kinyo kímóʼ kí yòʼ kfə̀n dzə̀ shó e shií, e shaà ji wìr keérí vifií ve ví lo fo Nyùy. A dzə̀ à wàa ker vifá vidzə̀m, yii bèy, a vifií ví shaà kidzə̀m.