Ŋgàn 2:22 - ŊWÀʼ NYÙY

²² Yii bèy, á wíy fəə́r wír ve á méŋ Nyùy fo fo, e dzəʼə́r ve á ŋwáy wun fo nsay adzə̀m.

Ŋgàn 2:22 Referans Kwoze

Nsùyrì Nyùy 52:5

Yii bèy, Nyùy yíi sènèr wò ŋkuuŋkùŋ. Wù yíi sèn wò, e sə̀ŋ, e fəə́r fo wò kibàn, e laàr wò fo kitu ke nsay láarin.

Nsùyrì Nyùy 37:28

Nyùy Tàr yii koŋ kinyo kee là kiloʼ. Wù yòʼ wíy màʼày wír ve á tíy e wun kinyò. Wù kù wíy a kìŋsìn áwune kíŋsin, e dù, e jòʼsì. Ké wìr ve á méŋ wun, á wíy laàr laàrìn fó wòŋ.

Remrí 7:22

Nyùy Tàr woo Nyùy won wíy a jùm vitúm vìn ji weè weè mo vèn wíy a nəə́, a faàsì nsay. A dzə̀ la vèn yòʼ wìy sàsìn, e sə̀ʼsí áwune kàŋ mòʼón. A kí dzə̀ bey, fo nyám se kwaʼ si wìy kùʼnìn, e ghàʼ ven.

Ŋgàn 10:30

Bó kifá ki yòʼ wíy sə̀ʼsì wír ve á yú Nyùy, aá wíy fəə́r wír ve á méŋ wun fəərín fó wòŋ.

Nsùyrì Nyùy 145:20

Nyùy Tàr yii kiŋsìn wír ve á koŋ wun, a wù wíy laàr wír ve á méŋ wun láarin.

Nsùyrì Nyùy 104:35

M lón ji á ku laàr wír ve á yii vinyo ve bi ví fó kitu ke nsay, lá á yòʼ màʼtì, é wír ve á méŋ Nyùyi goʼ atin. M yíi a burí Nyùy Tàr shilív shém shidzə̀m. Á kú a burí Nyùy Tàr.

Ŋwàʼ Jov 21:30

Kí á fer ji ŋgeʼ si gbu, sí jaàmè wír ve á méŋ Nyùy jáamen. Nyùy lóo shwiíy kilòŋ, lóo màʼ ŋgeʼ e wòŋ, áwune kù bòy kév bóyin.

Nsùyrì Nyùy 37:22

Rúrú, wóŋe kù wíy a dzə wó wìr wo Nyùy Tàr səə̀vìn, a wù kù wíy laàr wír ve wù shovin ne láarin fó wòŋ.

Nsùyrì Nyùy 37:20

Yii bèy, wír ve á méŋ Nyùyi wíy kpu, e lày làyìn. Áwune dzə̀ moo vibuushì veé kwaʼ ve ví tó sí. Ví lo, ví nèn lày moo kindzə́ʼ ke kí ŋeemen, e lày.

Remrí 29:28

Á bèy, Nyùy Tàr nèn shwìíy kilòŋ é ŋàŋ, tímé ndzə́ʼ wun, wù túŋ áwune fo áwuné nsay, e rə̀ŋ e wòŋ wo səné, á wáa dzə fo, e wìy to lán.

Ŋgàn 11:3

À lóo tiy tìítiy e Nyùy kinyò, liì wò wàa dànèr wò, bóʼti kimboʼtì, kí bìvír wò.

Remrí 29:20

Nyùy Tàr yòʼ wíy làysìn jay wìr woo bey. Yii bèy, tímé wíy ndzəʼ wun, é lǒn vinyò ve á saŋen é ŋwàʼ fène gbu e ŋwèrín kitu, é Nyùy Tàr laar ŋgaàŋ láarin fó kitu ke nsay, à yírí shó.

1 Afòn 14:14

«Nyùy Tàr wíy koʼór fon woo ji kòʼór a wun. Wù wíy á saʼ wír veé Isray, e laàr kfə́ə Jeroboam, é sáʼ rəə́ sə́ʼsí.

1 Wòŋ 10:13

Saul‑iì kpù ben bìʼ fo wù yòʼ‑oò tíy tìítiy wùn Nyùy Tàr. Wù‑uù méŋ sáʼ Nyùy Tàr, kfə̀n du, tar vinyo a dzə̀ fo vé ŋgàŋe,

Nsùyrì Nyùy 52:7

«Ku yèn ntav wo wù‑uù tenen fóo lìr e Nyùy sar vàv, kù tiir vifií a dzə̀ e wun kifàʼ, tiir vifií a dzə̀ é vinyò ve wù buʼtì.»