Ŋgàn 2:21 - ŊWÀʼ NYÙY

²¹ Á bèy, wír vee là nseme wíy a dzə e nsay fèn, wír ve á kér liì wo juŋe kù wíy a dzə fo.

Ŋgàn 2:21 Referans Kwoze

Nsùyrì Nyùy 37:29

Wòŋe kù wíy a dzə wó wìr ve á yúnin Nyùy. Áwune kù wíy a dzə fo, e wìy dù mày.

Nsùyrì Nyùy 37:9

Á wíy laàr wír ve á méŋ Nyùy Tàr fó wòŋ láarin. Yii bèy, wír ve á tiir vifií e Nyùy Tǎr wùné kù wíy a dzə e nsay. Á wíy a dzə e nsay ye Nyùy foon aáwune.

Ŋgàn 10:30

Bó kifá ki yòʼ wíy sə̀ʼsì wír ve á yú Nyùy, aá wíy fəə́r wír ve á méŋ wun fəərín fó wòŋ.

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

Ŋwàʼ Jov 42:12

Nyùy Tàr‑iì səə̀vì Jov e ghan sé bàm sin, e shaà mo wù‑uù səə̀vìn fó mbìy. Wù səə̀vì, Jov wáa ker njiì nsə̀kì nshòv sikweè e ghvə̀m, akamer nsə̀kì ntuùfú, ambòŋ ansə̀kì abaà, aá táŋsín abaà abaà, e bóo lì vimbèʼbìy vee vikìy nsə̀kì.

Nsùyrì Nyùy 37:22

Rúrú, wóŋe kù wíy a dzə wó wìr wo Nyùy Tàr səə̀vìn, a wù kù wíy laàr wír ve wù shovin ne láarin fó wòŋ.

Nsùyrì Nyùy 37:11

Yii bèy, wír ve á bórkir e Nyùy sii kù wíy a dzə e nsay. Áwune kù wíy a dzə e nsay, a yu vijuŋ ve vikùʼùy nyanyày.

Nsùyrì Nyùy 37:3

Wáy shilív shí e Nyùy Tǎr wùn, a yiì vinyo ve ru ví. À lóo yiì, áà nèn a dzə e nsay kijuŋ, là kinyo ké a fàn.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋgàn 28:10

A wìr lòo dzə, e yiì, wìr woo là nsem jáy dzə́ə, e nə̀ə́ e kinyò ke bi kí, bo kù yíi gbù wun e wun bii. Yii bèy, a wìr woo là njò kù wíy kav kfə́ a dzə̀ vijuŋ.

Nsùyrì Nyùy 37:18

Nyùy Tàr yii leey fo wír ve á dzəə̀n là nseme. Woŋ wo dzəə̀n vitsə́ʼ véví kù wíy a dzə ji wóv. Wú kù wíy a dzə ji wóv, e dù, e jòʼsì.