Ŋgàn 2:20 - ŊWÀʼ NYÙY

²⁰ Aà jumrì vifií ve ví lo fo Nyùy, bo à yíi a ghan e dzəə ye wír ve juŋe tiir kiwuú kév shó, bo à yíi a dzə dzəʼə̀m yee là nsem.

Ŋgàn 2:20 Referans Kwoze

Hibru 6:12

Lá wìr yòʼ a yiì ŋgòy. Vèn wáa bìʼnìn a dzə̀ wír ve á siìn fó mbìy, aá koóy ne ŋkàʼmé woo shooy, bìʼ fo vé‑eè dzə́, wáy shilív a dzə̀ e Nyùy wùn, leey fó mbìy ji nyaáŋ.

3 Joon 1:11

Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.

Jeremia 6:16

Nyùy Tàr‑iì yòŋ e wír vəə́ jii: «Vèn tiím é mentàrnín, e lèéy. Vèn taʼ dzə́ə a dzə̀ yee tìítiy, a jùmrì, a ghan e mǒ mbòv, mo mò‑oò dìnèn e vèn fó mbìy, é vèn nèn a dzə dzə́ yee nyaáŋé.» Yii bèy, áwune‑eè bìnèr jii, «Vèr yòʼ yíi a jùmrì.»

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Nsùyrì Nyùy 119:115

Ven ve á buʼtì vinyo, vèn kíŋrí fo mǒ si, é m bóo fíʼ a yunín nsər se Nyùy wom.

Nsùyrì Nyùy 119:63

M dzə̀ ŋgaà ŋgoo wìr dzə̀m wo wù ghvə́m wò, ŋgaà ŋgoo wìr wo wù lem ntò sé se yeʼéy.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Ŋgàn 4:11

M tìr ne wò mo dzə̀ à wàa ker vifií kijuŋ, e kfə̀n a tiír kiwúu ké, a fìʼ.

Ŋgàn 8:20

M yii yii vinyo vém tìítiy là nsem, tínen ve tinén ví là kiloʼ.