Ŋgàn 2:19 - ŊWÀʼ NYÙY

¹⁹ Bó wìr yòʼ‑oo bvə́n ne kitú, e nə̀ə́ viŋkar e lav wo, e kfə̀n fəə̀. Bó wìr yòʼ‑oo dú ne, e ghàr kóy fo fo, e kfə̀n lùŋ.

Ŋgàn 2:19 Referans Kwoze

Ŋgaà Tàrvìnyò 7:26

M yèn ne kifá ke kí birin, e shaà kpú, a dzə̀ wiíy wo dzəə̀n kitám, a dzə̀ lálán, a wó rəə́ sì ji asháŋ. Wìr wo wù yii mo Nyùy taʼà yíi bàʼàr wun, é wù koó kfə́ ŋgaà jay koón e wun kitam.

Nsùyrì Nyùy 81:12

M nèn shwèy áwune, á wáa bùy, a dù, a yiì kinyo ke melív mev mè tíy sho.

Hosea 4:14

Fə̀m mo wón véné ghán visàkì, a vikǐy won véné ghán viŋkar, feyì feyì, bó m yòʼ yíi màʼ ŋgeʼ aáwuné kitu, bìʼ fo ven vee alúme du, shiiy vèn aàsàkì veé virə̀ʼ vé cùu, vèn áwune shiiyì, cu anyùy kisaŋe. Kitúm kee là vifií kí kù wíy lày ŋkuuŋkùŋ.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Jeremia 13:23

A dzə̀ wìr woó Etiopia kùvsín nshòm rə á? A dzə̀ baá kùvsín vishom və́ á? Bo yòʼ dzə̀ sá ven ve á merìsìn ne a dzə̀ yíi kisaŋe, vèn kfə̀n yiì kinyo kee réŋ kí.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Nsùyrì Nyùy 16:11

À wíy dìn mo dzə́ə ye dzə̀ m shaà shó, e bóo lùŋ. M lóo dzə e wò si, é m wáa ker kishéʼrì ke kuʼùn kí. Mo à dzəə̀n e mǒ koy yìyí, m kù yú vijuŋ, e dù, e jòʼsì.

Ŋgàn 5:6

Wù yòʼ tíy e dzəə ye a wìr ghán sho, wù wàa ker dzəʼə̀m ye juŋe. Wù shwèy ne dzə́ə yee shooy, a bó wù yòʼ fə̀m gwarìrì.

Ŋgàn 5:11

À yií lo, a yàsí réŋér ne wò, áà wáa sòv kitú, a dìy,

Ŋgàn 6:32

Wìr wo wù li wiiy wìr yòʼ kér vifií, wù yii bèy, a wù kfə́r a dzə̀ kitú kfə́,