15 Á ghán ghán a dzə̀ yé kisaŋe, kér liì a dzə̀ wo bi.
Yii bèy, ké wìr ve á bin kév é dzəə sé kisaŋ si, Nyùy Tàr ku jùm áwune júmen fo wun si wùn à wír ve bií. Nyaáŋ wáa dzə e Isray.
Ŋgaà jay kù yii ghán kfə́, a dzə̀ é dzəə yee kintéŋ, a lànjò yii kfə́ kinyo, a dzə̀ kee tìítiy.
é vèn nèn a dzə e wírí si là njò, e làa yòʼ a ker nsem yìmòʼ gheéy. Vèn lóo yiì bèy, é vèn nèn a dzə wír Nyùy ŋkuuŋkùŋ, là jay e ndzə ye wíri yii joonè shó, kér melív me bi mè rə̀n. A vèn yíi a njàʼkìr e wír vee shooyí mvəm moo mejiy,
Yii bèy, Isray yiì ne kinyo ke bi kí e Nyùy Tàr. Á bèy, bìʼ jay wov, á yòʼ kfə̀n dzə̀ə́ wón və́. Áwune dzə̀ vé liì kisaŋ, a dzə̀ aŋgàa kimboʼtì.
Áwune yòʼ dzə̀ wír kimane gheéy, aá yòʼ tíy e kinyò kee ji á tínén réŋ. Áwune kù kér a dzə̀ liì kisaŋ, a bó wìr yòʼ shèm ŋgoo yev, ŋgaàŋ wìy a lèm nyaáŋ.
Jí se sí fəə́ fo mǒ shuù si dzə̀ là nsem sidzə̀m, sí yòʼ litì kinyo fo bàm, a bó yòʼ dzə̀ sí bàʼ wír e koŋ.
Wìr lóo dzə wir jwáʼ, bo dzə̀ wír wo wù ghvə́m Nyùy. Wìr lóo ker kiŋaamè ke liì, bo dzə̀ wír wo wù ŋwáy Nyùy.