Ŋgàn 2:10 - ŊWÀʼ NYÙY

¹⁰ À yíi a ker vifií ve ru ví, é vinyo ve à kiiyin ví yii, áà wáa yu vijuŋ.

Ŋgàn 2:10 Referans Kwoze

Jeremia 15:16

Kinyo ké ki‑iì wìy, e yèn mo, m lí moo viyíkìr. M kér kishéʼrì mo shilív shém shí‑iì tíy sho. Éè Nyùy Tàr, Nyùy woo Taà Mànjòŋ, m kù dzə̀ wo woo wír.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Ŋwàʼ Jov 23:12

M yoʼ bìn ndzə̀m é nsər ye yì fəə́ fo wun shuù. M lèm ne jí se sí fəən fo wun shuù, a sí dzə̀ fo mò é shií, e shaà viyíkìr.

Nsùyrì Nyùy 119:162

M shéʼri ŋkàʼme wò e ŋàŋ, moo wír wo wù toon é bùʼ e gháʼán.

Nsùyrì Nyùy 104:34

Nyùy Tàr ku yiì, é kwaʼtì yémé wáa dzə e juŋ fo wun, bìʼ fo vijuŋ vém ví lo, a kù dzə̀ fo wun.

Nsùyrì Nyùy 19:10

A dzə̀ á wàa ker shií é kinyò ke Nyùy, e shaà mó a diy *kisha ke mbàm ke baar kí, fə̀m dzə̀ ke kuʼùn kí ke á tònèn, e shèŋrì. Kinyo ke Nyùy ki nyòm, e shaà vilu, woó vilù ve ví shém fo ghàm si.

Nsùyrì Nyùy 119:111

M lì ne vinyo ve à dìnèn ji vitsə́ʼ vém vee là may. Eè, dzə̀ víwun ve ví fó mo kishéʼrì e mǒ shiliv.

Ŋgàn 14:33

Wìr wo wù kér vifií dzə̀ wo wù gwarìr vinyo kijuŋ. Wìr lóo dzə kiyúŋ, la wù yòʼ a kiíy kímóʼ kí ji vifií.

Nsùyrì Nyùy 119:103

Jí sé si nyòm, e ghèén mo é le ben? Sí nyom e mǒ shuù, shaa vilu.

Nsùyrì Nyùy 119:97

M koŋ Nsər yè feyì. M rə́si, m kwàʼtì shó kishiíy kifur.

Ŋgàn 1:4

Ŋgàn sìn si yíi a yeʼéy anjìʼ, aá wáa ker vifií, a mvə̀ʼtì vifií vé wàʼbìn, aá wáa kiíy mó a tàr vinyo, a shoʼ ke juŋ ki.

Ŋgàn 22:18

À yíi a yu vijuŋ ji à kìíy ne jí sìn, aà fey kìíy mó a yòŋ fo kitu.

Ŋgàn 4:6

Aà ghàr a dzə̀ vifií, bo ví yíi a leéy fo wò. Kú a koytí, é ví wáa kìŋsìn wò.