Ŋgàn 19:9 - ŊWÀʼ NYÙY

⁹ Wìr wo wù tíy vinjen ve kisaŋ vi yòʼ wíy dù là ŋgeʼlàʼ, a wo wù bóʼti kimboʼtì wíy nəə́ e ŋgeʼ yee là may.

Ŋgàn 19:9 Referans Kwoze

Ŋgaà Yen 22:15

Wír ve á wíy a gòʼ kév a dzə̀ fó ndzəə dzə̀ á ve á yii joonè wùn à ve á sénin sə́m, à ve á jaŋ kinjàŋ wùn à ve á ghán viŋkari, à ve á yúyri wíri wùn à ve á ghvə́m vifá vímóʼ ví ji Nyùyi. A wír ve á koŋ kimboʼtì, tíy a dzə̀ shó adzə̀me kù wíy gòʼ sa fo ndzə.

Ŋgàn 19:5

Wìr wo wù tíy vinjen ve kisaŋ vi yòʼ wíy dù là ŋgeʼlàʼ, a wo wù bóʼti kimboʼtì yòʼ wíy bòy.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

Esiker 13:22

«Mo vèn tínsin melív me wìr vee jwáʼ e kimboʼtì ki, a dzə̀ wír ve bó m yòʼ koŋ e way nyár aáwuné meliv, bvə́vir sí wìr kisaŋe, lóʼti melív mev fo áwune maʼti yii kisaŋe, e bòy fo akwiiròn,

Ŋgàn 6:19

tiím yée tiím vinjen ve kisaŋ vi, à mbvəərì wóo màʼ e wírí nsàn.

Ŋgàn 12:19

Suuyrú kù yii tíy fo ŋkuuŋkùŋ, a kimboʼtì ki yòʼ yii tíytiyì.

Ŋgàn 21:28

Á kù yíi sə̀r njen kimboʼtì sə́rin, e fo ghay e wo wù kaʼày kinyo kijuŋ, é wù bónén, e sùŋnín.

Daniel 6:24

Fòn fó sáʼ, á wìy e vilum ve vé‑eè toyin kinyo e Daniel bàm víyi, e màʼ áwune é mbvə̀ʼ abvərə̀ʼ fey. Á ku tàtí sa vikìy vév wùn à wóné, e màʼ fo. Abvərə̀ʼə́ táv, e ghàʼ áwune. Áwune wáa jì ji á meé é sar mbvə̀ʼ, aàbvərə̀ʼə́ sáʼtí ne áwune sáʼtin, à vighvə́r ví shó.