Ŋgàn 19:5 - ŊWÀʼ NYÙY

⁵ Wìr wo wù tíy vinjen ve kisaŋ vi yòʼ wíy dù là ŋgeʼlàʼ, a wo wù bóʼti kimboʼtì yòʼ wíy bòy.

Ŋgàn 19:5 Referans Kwoze

Ŋgàn 21:28

Á kù yíi sə̀r njen kimboʼtì sə́rin, e fo ghay e wo wù kaʼày kinyo kijuŋ, é wù bónén, e sùŋnín.

Ŋgàn 19:9

Wìr wo wù tíy vinjen ve kisaŋ vi yòʼ wíy dù là ŋgeʼlàʼ, a wo wù bóʼti kimboʼtì wíy nəə́ e ŋgeʼ yee là may.

Ŋgàn 6:19

tiím yée tiím vinjen ve kisaŋ vi, à mbvəərì wóo màʼ e wírí nsàn.

Ŋwàʼ Fəə 23:1

«Lá wìr yòʼ a sàmèr kimboʼtì. Lá wìr yòʼ tòm wir liì kisaŋ, e tìím vinjen ve kisaŋ vi.

Daniel 6:24

Fòn fó sáʼ, á wìy e vilum ve vé‑eè toyin kinyo e Daniel bàm víyi, e màʼ áwune é mbvə̀ʼ abvərə̀ʼ fey. Á ku tàtí sa vikìy vév wùn à wóné, e màʼ fo. Abvərə̀ʼə́ táv, e ghàʼ áwune. Áwune wáa jì ji á meé é sar mbvə̀ʼ, aàbvərə̀ʼə́ sáʼtí ne áwune sáʼtin, à vighvə́r ví shó.

Remrí 5:11

« ‹Lá vèn yòʼ yòŋ yír Nyùy Tàr woo Nyùy won kisáŋ, bìʼ fo mo woo Nyùy Tàr wayin ji wìr wo wù yoŋ yír yém kisáŋ kù li njò.

1 Afòn 2:9

Lèn və̀n, lá à yòʼ màʼtì ji wù dzən, e dù e sày e fúv sí kitu. À dzə̀ wír, aà kér vifií. Yòʼ dzə̀ à mèŋ kinyo kée yiì.»

1 Afòn 13:18

Wù nèn sùúy e ŋgaà ntum Nyùy jii, «Mómò kitú kém, m dzə̀ sá ŋgaà ntum Nyùy moo wò. Nyùy Tàr kì tsə̀nsí nshìylav rə fo mǒ wùn, yì suúy e mò jii, ‹M li á wò, é wòsò kfə́n á e bàm e mǒ lav, áà yíkír, e nò mendzə́v.› » A ŋgaà ntum Nyùy və̀y suuy bèy, a wù bóʼti wun bóʼtín.

Nsùyrì Nyùy 56:7

Éè Nyùy, màʼ ŋgeʼ aáwuné kitu, ku màʼ bìʼ kinyo kév ke bi kí. Shwiíy kilòŋ kí, e sə̀ʼə́r kóy wóví é nsay.

Ŋgàn 14:5

Wìr jwáʼ tiim vinjen, wù sùúy suuyrú. Wìr kisaŋ tiim vinjen, wù bòʼtí kimboʼtì.

Ŋwàʼ Fəə 20:16

«Lá wìr tìím vinjen ve kisaŋ vi, e tòy wír e kinyò.

Ŋgàn 14:25

Njen woo là kiloʼ luŋèr wíri, lóo dzə woo ŋgaà kimboʼtì, wù fiìnè wíri.