Ŋgàn 19:23 - ŊWÀʼ NYÙY

²³ Wìr yúnin Nyùy Tàr, wù wàa dzə dzə́ ye juŋe, ŋgaàŋ wàa yikír, a neèm là kinyo ké a fàn.

Ŋgàn 19:23 Referans Kwoze

Matio 5:6

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

Ŋgàn 12:21

Ŋgeʼ si yii baʼàr wír wo wù yú Nyùy báʼarin, a ké wìr wo wù méŋ Nyùy ki dzə̀ kfə́ ji vinyo ve bi ví rún é wùn wó.

Nsùyrì Nyùy 90:14

Dìn koŋ yée e vèr vijàvndzə vidzə̀m, é yí gheén ver. Dìne, é vèr bóo fíʼ a sheʼrí, a yu vijuŋ ghán sidzə̀m.

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Ŋgàn 10:27

À yúnin Nyùy Tàr, dzəʼə̀m yée yiì wàa dzə e da, méŋ wun, yí wàa dzə e tsə́m.

Nsùyrì Nyùy 103:17

Yii bèy, ké wìr ve á ghvə́m Nyùy Tàr kí dzə̀, a wù din koŋ rə́ ye ghaʼáné aáwune, du joʼsì, din kinyo kfə́ kee tìítiy e ŋgwàʼ sév sí sidzə̀m.

Nsùyrì Nyùy 85:9

Rúrú, wù yòʼ yíi ndzə̀y fóo lùŋèr wír ve á ghvə́m wun. Wù yíi lùŋèr, aá yén vikuʼùy və́, a ví dzə̀ e vèsə́n nsay,

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Malakay 4:2

Yii bèy, fo ké ven ve á ghvə́m mo kí, kishiíy kee shooy ki wíy a dzə ke m wíy kwàŋrì vinyo tìítiy, e lùŋèr ven. Kí wíy fəəsín moo shúy yee tó kijàvndzə, lóo ban, é vèn wáa yor, a bonén. Bónenè, é vèn wáa liynín, kù moo wan nàʼ wo á sòrìn fó kibìn, wù wáa liy, a dù e kwaʼ.

Nsùyrì Nyùy 91:16

M wíy laamé wun e dzəʼə̀m ye dáa, e dìn wun ji m dzə̀ Ŋgaà Lùŋèr və.»

Nsùyrì Nyùy 25:13

Ŋgaàŋ kù wíy a dzə e mvə̀m vikùʼùy, a wón vəə́ wíy yòv nsay.

2 Timoti 4:18

A kù dzə̀ mo wun woo Nyùy wíy fəə́r mo fó vinyò ve bi ve wíri taʼ ji á yii e mò vidzə̀m, e lì mo ji nyaáŋ, e lèm e wùn wòŋ woó yuv. Vèsən kú a burí wun viyá viyá là may. Amen.

Nsùyrì Nyùy 19:9

Ghvə́m yé a fo e Nyùy Tàrí bòŋ feyì, yí kù wíy a dzə, e dù, e jòʼsì, a vinyo ve Nyùy Tàr tínen vi kù dzə̀ rú, ví kù yii dzə́ vijuŋ ghán sidzə̀m.

Lim Aŋgàa Ntum 9:31

Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.

Nsùyrì Nyùy 91:10

bo bó kinyo ke bi kí yòʼ wíy nəə́ wò, a bó melaà mè yòʼ wíy meʼ fo à dzəə̀n.

Ŋgàn 11:19

Wìr yii yii ye juŋe, wù wàa ker dzəʼə̀m ye dáa. Wìr wáa yiì ye bií, bo wù kù taʼ a dzə̀ kpú rə́.

Ŋgàn 19:22

Kinyo ke á shií fo wìr msòŋ kí dzə̀ ji wù din á koŋ ye ruú, a ŋgaà kitàn bòŋ, e shaà ŋgaà kimboʼtì.

Ŋgàn 3:24

Lóo dzə e ŋkuùr, à neemè, é la à yòʼ a fàn. À kù yíi buuné, é yim shinə́n wò.

Ŋgàn 22:4

A wìr kfə́menè, ghvə́m Nyùy Tàr, bo vilaʼày və́ ví dzə̀ vikuʼùy, ghvə́m, wùn à dzəʼə̀m ye dáa.