Ŋgàn 19:22 - ŊWÀʼ NYÙY

²² Kinyo ke á shií fo wìr msòŋ kí dzə̀ ji wù din á koŋ ye ruú, a ŋgaà kitàn bòŋ, e shaà ŋgaà kimboʼtì.

Ŋgàn 19:22 Referans Kwoze

2 Korin 8:12

A wìr kòŋ ji wù fó kifá mo wù kérí, Nyùy kù səə̀sí kifá kee shooy. A bó yòʼ dzə̀ wù wàa leéy ji wìr fó kifá ke bó yòʼ dzəə̀n vitaáví və́.

Ŋgàn 19:1

Bòŋ a tàn, a ker liì wo juŋ, e shaà ké a boʼtí kimboʼtì, a yiì kiyúŋ.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

2 Wòŋ 6:8

Nyùy Tàr nèn sùúy e tàr wor Davir jii, «Mo wù kér e wun shiliv ji wun baʼri á lav ye á wáa cù wun sho, bo dzə̀ á kwaʼtì ye juŋe.

Nsùyrì Nyùy 62:9

Wìr msòŋ dzə̀ ben, aàghéʼnceyí dzə̀ moo shwér, a vé kavi dzə̀ moo vinjeenjèm. Á tiir e mfìʼ, á kù kòʼ kóʼón, aá càár feyì, e shaà shwér.

Ŋwàʼ Jov 17:5

Á yii maʼ ŋgàn jii, a wìr fiìnè ŋkar sə́ ji wun fiʼ kòóy rə́ə yee mbìv, bo wón vəə́ kù wíy teèsì kirev.

Ŋwàʼ Jov 6:15

Ven vee afə́rí lò ne, e neèr a dzə̀ kimboʼtì vèsən. Vèn sì moo wón ndzəv ve shùy báné, á yùm.

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

Ŋgàn 19:21

Wìr lo, wù bà antaŋ aneénín, yii bèy, a kù yíi a tiy wo Nyùy Tàr.

Ŋgàn 19:23

Wìr yúnin Nyùy Tàr, wù wàa dzə dzə́ ye juŋe, ŋgaàŋ wàa yikír, a neèm là kinyo ké a fàn.