Ŋgàn 19:21 - ŊWÀʼ NYÙY

²¹ Wìr lo, wù bà antaŋ aneénín, yii bèy, a kù yíi a tiy wo Nyùy Tàr.

Ŋgàn 19:21 Referans Kwoze

Ŋgàn 16:9

Ntaŋ wo baán kù dzə̀ e wìr msòŋ, a kù danèr Nyùy Tàr bo wù wáa yiì kinyo ke réŋ kí.

Aysaya 14:24

Nyùy Tàr woo Taà Mànjòŋ tòʼ ne kinyo ke wù kér fó wìy yiì, a wù lìʼ ne jii: «Kinyo ke m kwaʼtì ki kù dzə̀ ke kí kér fó yìi koóy, a ke m wayin kí dzə̀ ke kí kér fó yiì a tiy fo.

Ŋgàn 16:1

Ntaŋ wo baán dzə̀ kinyo ke wìr msòŋ, a binèri kù lo a dzə̀ fo Nyùy Tàr.

Aysaya 46:10

M lo, m fèr kèʼlo kinyò, e fèr mo kí wíy dù, e mày. Kinyo ki lo, kí wàa jì ji kí wìy a koóy, a mò‑oò yoòyí ne fo yàŋgùʼ. Lóo yooyí, m wàa shìvìr jii, ‹Jì yem kù wíy a tiy fo, a m kér fó wìy yiì kinyo ke m suuyin kidzə̀m.›

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

Efesor 1:11

Nyùy‑iì yiì ne shòʼ ver vee wír veé Isray fo ŋgùʼ ji á tátí wùn à Kristu, a dzə wír wun woo Nyùy. A wù‑uù shóʼ a dzə̀ mo wù kiìn réŋréŋ mo wù kù yii siysì vinyo veé ndzə vidzə̀m, a ví kooy mo nsìysì və dzəə̀n.

Ŋwàʼ Jov 23:13

«Yii bèy, Nyùy kù dzə̀ ji wun. A dzə̀ bìnèr la vifií və́? A wù wày ji wun‑éè yii kinyo, bo wù kù‑úù yii a dzə̀ kíwun.

Ŋgàn 21:1

Shilív shé fòn shi dzə̀ e Nyùy Tǎr kiwo, a wù danèr moo ndzə́v ye wù yii, a yí léŋ du fo wù koŋè.

Ŋgaà Tàrvìnyò 7:29

M kù yèn kinyo kimòʼón jii, Nyùy‑iì bòm wír, a wù dzə̀ là nsem, wìr nen tàʼ dzə́ə sée bivír kitú kfə́ shó.»

Daniel 4:35

Wìr dzə̀m woó kitu ke nsay kù dzə̀ kifá kisáŋ e Nyùy si. Nyùy kù yii kinyo a dzə̀ ke kí gheen wun, a fə̀m dzə̀ wùn à nsheèlav sə́ sí, kìn wùn à wìr msòŋ woó kitu ke nsay. Wìr yòʼ dzə̀ shó wo a dzə̀ wù sə̀r Nyùy fo kinyò, a bó wìr yòʼ dzə̀ shó wo a dzə̀ wù dzə̀r e wun jii, ‹À yiì kin a dzə̀ ka?›

Nsùyrì Nyùy 21:11

Aŋgàa vibàné kár a menàŋ e fòn bàm, a bó yòʼ dzə̀ kí dù.

1 Pita 2:8

Kí kfə́n a dzə mo vé‑eè saŋen sá jii: «Tíy rəne wíy a yiì, é wíri wáa bàyrìn sho. Kilán, a wíri wíy a gbùkìr sho.» Á ku nèn a bàyrìn sho bèy, a dzə̀ bìʼ fo á tenen fó yu jí Nyùy, réŋréŋ mo Nyùy‑iì sìysìn ji kí wíy koóy áwune.

Kèʼlo 50:20

Vèn‑eè wày wáyín ji á yii kinyo ke bi kí e mò, yii bèy, Nyùy nèn lì, e siìr ji kinyo ke juŋ ki, e fíʼ lèm wíri aneénín atin, mo vèn yén lèn.

Ŋgàn 12:2

Nyùy Tàr bínsi wír, a dzə̀ ve á yú wun, maʼ ŋgeʼlàʼ e wír ve á bá antaŋ ve bií kitu.

Ŋwàʼ Jud 1:4

A m suuy bèn, bìʼ fo wír ve á méŋ Nyùy ámóʼó woonen ne, e nə̀ə́ e věn kintatì, a yeʼéy kév wíri jii, mo Nyùy bùʼùn ne ven, e lì ji wír və́, vèn bóy fó lòn, a dzə̀ vèn wàa yiì lèn a mo mensə́ men mè taʼà. Aá suuy bèy, nèn káy Jesus Kristu wo kù jòʼsìn wun ji Taàtá wòsən wo dzə̀ á wàa yu fo fo. A Nyùy‑iì yiì ne dìn lòn wo wù wíy màʼ e wír vee bené kitu.

Esta 9:25

Yii bèy, Yaà Esta dù, e bùn fon, fòn nèn sàŋ sáʼ, e fə̀ə́r e nsənnsən ji á biner á menàŋ me Haman kì kár kùm wír veé Juda mèy, a dzə̀ e wun woo Haman kitu. Fòn kfən sə̀ntì ji á ku tàtí a wùn à wóné adzə̀m, e sə̀ŋ é vici.

Nsùyrì Nyùy 83:4

Á jaŋ wíri jii, «Vèn wiy, é vèsən laar wír veé Isray, aá sə́ʼsí yír yév fó kitu ke nsay ŋkuuŋkùŋ.»

Ŋgàn 19:22

Kinyo ke á shií fo wìr msòŋ kí dzə̀ ji wù din á koŋ ye ruú, a ŋgaà kitàn bòŋ, e shaà ŋgaà kimboʼtì.

Jeremia 44:29

« ‹Mo‑óò fó ven kisəəm, é vèn kiíy kijuŋ ji m wíy màʼ a ŋgeʼ e věn kitu e kirə̀ʼ fen, é kinyo ke mò‑oò tinen kàʼ won ji m wíy laàr a ven kí gheén.

2 Samuel 17:14

Absalom wùn à wír veé Isray adzə̀me nèn bìnsí ji ntir Hushay waà bòŋ, e shaà a ye Ahitofel, a yií Nyùy Tàr ji lá áwune yòʼ jùmrì a ntir Ahitofel ye kù‑uù dzəə̀n ye juŋ, é wun fiʼ wìy a e ŋgeʼ si e Absalom kitu.

Esiker 20:32

«Vèn táŋ jii, vèn‑éè wáa dzə moo vitúm vímóʼ ví, a ghvəm vicí, a ghvəm vilán, a bó yòʼ dzə̀ kí wìy kòóy.