Ŋgàn 19:2 - ŊWÀʼ NYÙY

² Kí yoʼ bòŋ ji wìr wáa ker shilív, a buŋ vifií. Wìr girì, wù tò é kinyò ke bi kí.

Ŋgàn 19:2 Referans Kwoze

Ŋgàn 21:5

Wìr báʼti ji weè, lim kitávín, wù tò é bùʼ, girì, wù tò a dzə̀ é kitàn.

Filipi 1:9

Kinyo ke m lón fo Nyùy ki nén a dzə ji kikoŋnìn kén kí kú a kuy, a dù fo mbìy, é vèn kfə́n a kiíy vinyo, a way sí sho, a səə̀m ve ví dzəə̀n réŋ.

Ŋgàn 29:20

À yén wír woo súŋnín, e làa yòʼ mèy shintíy a? A dzə̀ á wàa yòy, a tiír e kiyúŋ kí wùn, e shaà wun.

Ŋwàʼ woó Rom 10:2

A kinyo ke m kiìn ke dzə̀ m wàa suúy ki dzə̀ jii, áwune wày ŋàŋ féyì, a mùm a ji á fiʼ ghèén fo Nyùy. Aá mum bèy, e làa yòʼ a kiíy a dzə́ə yee réŋ.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Aysaya 28:16

Bìʼ bey, Nyùy Tàr woo Taà Ndzə suuy jii, «Vèn yuúrí, m neèr ne tíy é Sion ji kinsə̀ŋ. Tíy, aá múmrí ne, e bìnsí ji dzə̀ á yíwun, yíwun feyì ye a dzə̀ yí tòm kór lav, lav ye m bóm e Sion, a wìr wo wù wáy shilív e mǒ wùn yòʼ wíy a gìr.

Ŋgàn 28:20

Wìr lóo suúy kinyo, lóo tiy a dzə̀ e kíwun ki, Nyùy wàa səə̀vì wun. Wìr wáa tàʼ vikuʼùy vee cércér, bo yòʼ dzə̀ wù bòy fó ŋgeʼlàʼ.

Ŋgaà Tàrvìnyò 12:9

Yòʼ kù‑uù jòʼsì fiír ye Ŋgaà Tàrvìnyò və̀n‑eè fiirin, wù‑uù yéʼey wíri mo á wáa kiíy jeéyjeéy fó vinyò. Wù‑uù lì ghán, e kàʼày, e kfə̀n sìysì ŋgàn sinín.

Ŋgaà Tàrvìnyò 7:9

Lá à yòʼ a tav, a shwiíy kilòŋ. Kù yii lem viyúŋ dòʼshwiíy e shiliv.

Ŋgàn 28:22

Ŋgaà vikaàmè kù yii búʼ kfə́ ji wun kuʼ cér, a bó wù yòʼ kì ji wun kù yíi jòʼsì a dzə̀ é kitàn.

Ŋgàn 25:8

lá à yòʼ a tav a dù sho e lav nsaʼ. A ŋgaà shweèsi wò yiì dù, e shòór wò, à lo fo bàm, áà yée le?

Ŋgàn 14:29

À kiiy móo kfəmén e wò dòʼshwiíy, bo à dzə̀ fií, a wìr woo ŋgaà dòʼshwiíy dzə̀ kfə́ kiyúŋ.

Ŋgàn 1:16

Wír ve bi víne yòʼ tíytiy fóo yiì kinyo ke bi kí. Áwune kù dzə̀ kibáʼtín fó teʼ wír, e yuyrí.

Ŋgàn 10:21

Wìr yúnin Nyùy, wù yìír ŋgòŋ e jí si, du e kiyuŋ, wù kpù kibúŋ ke vifii.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Ŋwàʼ Jov 31:5

«A dzə̀ rú ji mò‑oò yiì ne toòmé kinyo ke kisaŋ ki, e lìy, e shèm a dzə̀ é kimboʼtì,

2 Afòn 4:39

Wo mòʼón woo wír fo áwuné mvəm nèn dù e kwaʼ ji wun kéŋ a nyóo, e yèn bóʼghvəə́y, a wù yòʼ kì kifá kee shó. Wù ku nèn kòy mo yì‑iì dzə̀ wù keèrí e wun kikum. Wù wìy sho, e seè, e wày é nshèv.