Ŋgàn 19:16 - ŊWÀʼ NYÙY

¹⁶ Wìr yúnin nsər, wù kìŋsìn kitú kfə́, ŋwáyí, wù dù é sày e kiwuú kí.

Ŋgàn 19:16 Referans Kwoze

Ŋwàʼ Luk 10:28

Jesus koóy jii, «À bìnèr rú. Kú a yiì rì bèy, áà wìy lùŋ.»

Ŋgàn 13:13

Wìr ŋwáy ntir, wù nə̀ə́ é ŋgeʼ, wìr yú ntò se yeʼéy, wù wàa dzə kijuŋ.

Ŋwàʼ Luk 11:28

Jesus bìnèr jii, «Wír ve á kér kishéʼrì ke kuʼùn kií dzə̀ ve á yú kinyo ke Nyùy, yii mo kí dzəə̀n.»

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

Ŋgàn 29:18

Lóo dzə, a bó Nyùy yoʼ ghèm ndzə, e dìn e wíri, á wàa yiì mo á koó. Yii bèy, a bòŋ ké wìr wo wù yúnin nsər Nyùy, ghán e wun mbòv.

Ŋgàn 21:23

Wìr kim shuu və́, wù bòy fó melaà.

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.

1 Korin 7:19

Kìn wìr dzə̀ wo naŋsín, kìn dzə̀ woo là náŋsín, kee shooy ki yòʼ kér kinyo kímóʼ kí fo Nyùy. Ke kí dzəə̀n é shií kí dzə̀ ji wìr wáa yu a kinyo ke Nyùy suuyì.

Ŋgaà Tàrvìnyò 12:13

Kimaysì kí nén a dzə jii, wìr wáa ghvəm Nyùy, a yunín nsər sə́, bìʼ fo kù dzə̀ kinyo kìn ke wìr kér fó a yiì.

Ŋgaà Tàrvìnyò 8:5

Wìr wo wù yúnin sáʼ yeé ntoʼ, yòʼ dzə̀ wù kfə̀n nə̀ə́ e ŋgeʼ. Wìr wo wù kér vifií kù kì ghán sée yiì kinyo, e kìíy dzə́ə yee réŋ yée yiì sho.»

Ŋgàn 3:1

Wan wòm, lá à yòʼ ŋwày ntir se mò‑oò tír wò sho. Á lèm ntò sém sé yeʼéy si.

Joon 14:15

«A vèn koŋ mo, vèn wàa lèm nsər se dzəə̀n sém.

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Esiker 33:5

Mo wù kì yuun sóŋ ye á toŋen, e bóo ŋway, bo njò kpu rə kù dzə̀ rə́ə. A dzə̀ ji wù kì yù sóŋ, e làa yòʼ ŋway, bo wù kì bàvtí dzəʼə̀m rə́.

Jeremia 7:23

Mò‑oò yòŋ aáwune a dzə̀ jii, ‹Vèn wáa yunín mo, é m nèn a dzə Nyùy won, é vèn wáa dzə wír vém.› M kfən yòŋ jii, ‹Vèn wáa ghan a dzə̀ e mǒ mbòv, é vinyo vén ví nèn a dù kijuŋ.›

Ŋgàn 22:5

Dzə́ə sé ayìíkum sí dzə̀ vitám vitám, a dzə njoŋ njoŋ, wìr kim kitú kfə́, wù bàʼàr.

Ŋgàn 15:32

Wìr ŋwáy ntir, wù màʼày kitú, yú ntir, wù wàa ker vifií.

Nsùyrì Nyùy 103:18

Wù din aáwune ve á lem *mensaŋ mvə, kfə̀n yúnin ntò sə́ sé yeʼéy.

Ŋwàʼ Jov 5:2

Rúrú, a kiyúŋ kí shwiiy kilòŋ, bo a dzə̀ dòʼshwiíy yùyrí wun, njìʼ wáa yu nyár wìr, bo yí kù‑úù yúyrí wun.

Ŋgàn 21:16

A wìr ŋwáy yéʼéy ye yí fó vifií, bo wù kù wíy jòʼsì a dzə̀ wùn à kpúu.