Ŋgàn 19:15 - ŊWÀʼ NYÙY

¹⁵ Wìr lóo dzə njoó, wù wàa buuné, a tonén, lóo dzə e làa yòʼ a lìm kifá, wù kpù jíŋ.

Ŋgàn 19:15 Referans Kwoze

Ŋgàn 23:21

Anónoón wùn aàyíyiíné kù wíy to a dzə̀ é kitàn. Wìr rə́si, lóo buuné buunén, bo wù kù wíy a màʼ ndzə̀y a dzə̀ see vinsàʼ.

Ŋgàn 20:13

Lá à yòʼ a kòŋ mbuùné, fóo yiì kpu kitan. Lò é yuv, a lìm kitávín, áà yiì a ker vifá ve yi nyanyày.

2 Tesalonika 3:10

Vèn kuúmé nsər ye vèr‑iì foon e vèn é ghan see shooy jii, a wìr tèn fó lìm kifá, lá á yòʼ biìmé saa, é wù yíkír.

Ŋgàn 24:33

Aà yèn ji wò‑óò neem, e yòyrì shishàr, e shòy shimbuùné, a jiíy e wóo ji à meemè,

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

Aysaya 56:10

Vilìmbìy veé Isray ve dzəə̀n aŋkiyi sì ji amfìr. Áwune vee anshìyi yòʼ kér vifií, á kù sì ji jwí se sí buúne buùnén, a sí yòʼ dzəə́ wámé. Áwune kù sí néŋ, a njèm si shí áwune, kù koŋ, a boʼ a dzə̀ mbuùné.

Ŋgàn 19:24

Njoó wáy kiwó e kighin, kí ghàʼ, fə̀m à fo wù fəə́r, e wày é shuù.

Ŋgàn 31:27

Wù yii leey fo wun nsaàlav kijuŋ, a wù yòʼ yii taʼ yíkísáŋ.

Ŋgàn 6:11

bo kitan ki kù lo, e sàsìn, e ghiʼ wò moo shóŋ, é kíghàʼ ghíʼ wò moo wir kimfaàsì.

Ŋgàn 18:9

Wìr woo njoó kù dzə̀ fər ŋgaà kimbivìr.

Ŋgàn 22:13

Wìr njoó, wù gòʼ ji bvərə̀ʼ dzə̀ é ndzə, a m fəə̀ é dzəə, é wù yúyrí mo.