Ŋgàn 19:14 - ŊWÀʼ NYÙY

¹⁴ Láʼ wùn à vikuʼùy ví dzə̀ vitsə́ʼ ve atàrí lem e wóné, a kù fó Nyùy Tàr wiíy woo fií.

Ŋgàn 19:14 Referans Kwoze

Ŋgàn 18:22

Wìr wáy wiíy e lav, bo wù yiì kinyo ke juŋ ki, Nyùy Tàr kfə̀n a leéy wun, a kòŋ.

Ŋgàn 13:22

Wìr wo juŋ kù yíi a ker kéŋ yée lèm ji vitsə́ʼ e rám rəə́, a bùʼ ŋgaà yiì ye bií wíy dù a dzə̀ e wír ve á yú Nyùyi.

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

2 Korin 12:14

Mo m kfə̀n sí báʼti lèn ji m wiy, e ghàn ven fó akàŋ vee ataár, m kù kfə̀n yíi wìy, e làa yòʼ a leéy kifá fo vèn gheéy. M wiy a dzə̀ ven, bó m yòʼ wiy mbàm sén. Wón ve terií yòʼ yii leey fo kitàr kí, yii leey kitàr fo wóné.

Remrí 21:16

Kí koóy bey, wù wìy lò, a jàv kéŋ rə́ e wón vikìy vee abaà víne, la wù yòʼ lì vifá ve wo mbìy, e fò e wo wiíy wo wù koŋè ji wun din medzə̀jeéy.

Joshua 11:23

Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Kèʼlo 24:7

Nyùy Tàr wo dzəə̀n Nyùy woó yuv‑iì sùŋnín e mò, e kàʼ mo e kilìʼ kí ji wun wíy fo a nsay rə̀n e rám yémé. Dzə̀ wun wo wù‑uù fəərin mo fo tàr wór laʼ wùn à fo věr wòŋ fo vé‑eè dzəən mo. Wù yíi tsənsí nshìylav rə, é yì wáa dànèr wò, áà fiʼ dù, e kòóy wiiy wan wom fo věr wòŋ.

Kèʼlo 24:44

wù binèr jii, «Kò, e nò», fó bèy, kfə́n fó sa e nyám sém sí, kù a dzə wùwun wo shoʼon wò woo Nyùy Tàr ji wáa dzə wiiy wàn tàr wor lìm.›

1 Samuel 25:3

Yír rəə́‑əə̀ dzə̀ Nabal, a dzə̀ wír woo Kalev ram, yé wiiy və Abigail. Abigail‑iì kér vifií, e kfə̀n bòŋ e ŋàŋ, a lum və dzə̀ wir shilìv she bi shí, a kfə̀n dzə̀ wir kisaŋ.