Ŋgàn 19:12 - ŊWÀʼ NYÙY

¹² Dòʼshwiiy fòn beéme moo tóŋ bvərə̀ʼ, a koŋ rəə́ rəsìnè moo ŋweʼ ye yí gbu e viŋgà.

Ŋgàn 19:12 Referans Kwoze

Hosea 14:5

M wíy a dzə fo wír veé Israyi moo ŋweʼ ye yí gbu e nsay ye yumér. Áwune wíy tèʼ, e bùy moo kibuushì, é gháŋ yéví nəə́ é nsay moo yé vici veé Lebanon.

Ŋgàn 20:2

Dòʼshwiiy fòn dzə̀ moo tóŋ bvərə̀ʼ ye wù tóŋé, virə́ʼ ví beèmé, a wìr tínsin wun, bo ŋgaàŋ kpù ne.

Ŋgàn 28:15

Ŋgaà saʼ wo wù méŋ Nyùy, taá aàŋgàa kitàné kitu kù dzə̀ moo bvərə̀ʼ wo wù nyamkìrì, kìn baá wo jìŋ sòyìn.

Nsùyrì Nyùy 133:3

Shuu woo mòʼón və̀ne rəsìn moo ŋweʼ yeé Gwan Hermon, a sì yíwun ye yí gbu lèn aàgwan veé Sion. Dzə̀ é Sion fèn fo Nyùy Tàr yii vinyo ve wù‑uù kàʼàn, ŋkàʼmé wo dzəə̀n dzəʼə̀m yee là may.

Mayka 5:7

Á bèy, kibér ke wìr veé Isray ke kí bòyìn, kí wíy a dzə e vitúm ví mvəm, a dzə moo ŋweʼ ye Nyùy Tàr tsə́nsi, a dzə moo wuú ye yí ŋwaʼrì e viŋgà. A bó áwune yòʼ wíy a shìy wír, aá yòʼ wíy a yeʼtí e vitaaví a dzə̀ vé wìr msòŋ.

Daniel 6:24

Fòn fó sáʼ, á wìy e vilum ve vé‑eè toyin kinyo e Daniel bàm víyi, e màʼ áwune é mbvə̀ʼ abvərə̀ʼ fey. Á ku tàtí sa vikìy vév wùn à wóné, e màʼ fo. Abvərə̀ʼə́ táv, e ghàʼ áwune. Áwune wáa jì ji á meé é sar mbvə̀ʼ, aàbvərə̀ʼə́ sáʼtí ne áwune sáʼtin, à vighvə́r ví shó.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.

Ŋgaà Tàrvìnyò 8:4

Jì fòn kér vitaáví. A dzə̀ wàa sòv la vinyo ve wù yii?

Nsùyrì Nyùy 72:6

Sáʼ fòne ku sə̀ wíri. Yí ku sə̀ wíri moo wuú ye yí ló, ló, a vifa vi kúyí, cuurì, a nsay rə.

Esta 7:8

Haman wáa lon bèy, e lò, a gbù e Esta ntaʼ. Fòn kú a kfən e bàm fó kiboo keé ntoʼ, e lòo nəə́ fo vé‑eè nó meluʼ me ŋkàʼ, e yèn, a Haman sí gbu e ntaʼ wo Yaà Esta‑aà néŋ sho, fòn búʼ shirəə́ jii, «Abaày, a kí fèn kì dzə̀ é le, wù wàa ghatí Yaà Esta, a dzə̀ e vèr wun ntoʼ à?» Fòn wáa jì ji wù wáa suŋnín, a màysì, aá súm ne sí Haman.

2 Samuel 23:4

wù wàa dzə moo ndzə ye yì rán kijàvndzə, a dzə moo kintoshùy ke mbàʼ si yòʼ dzəə̀n é yuv, a dzə moo wuú ye yí ló, shùy lóo ban, vikwiíy ví wàa tokír.›

Kèʼlo 27:28

M lón ji Nyùy kú a səʼə́r ŋweʼ fo yuv, é nsay wáa fo wò vifá nyanyày, vifá ve yi wùn à *meluʼ mè.

Remrí 33:28

Àwáa, Isray, vèn wáa dzə rì e wún wóné ji nyaáŋ. Kidzəə́y ké Jakov ki wáa dzə kikiŋsìn, a dzə e nsay, a viyíkìr wùn à meluʼ mè tsəətìn fo, a ŋwéʼe sə́y fo yuv, səv nsay.

Aysaya 18:4

Nyùy Tàr‑iì sùúy e mò mo wù yíi yiì. Wù‑uù sùúy jii, «Vinyo vi yíi a koóy, é wun kú a dzə kfə́ e wun kirə̀ʼ ké dzə, a leéy. Wun kù yíi a dzə kfə́ ji nyaáŋ, kù mo virə́ʼ ví lo, ví kèʼ, a lùm ji weè e kishiíy ke ndzə bòŋèn, a lò ji weè, kù moo ŋweʼ ye yí lo, yí wàa gbù ji weè e ghan sé ŋkav vifa.»

Esta 1:12

Nsheèlav si dù, e tiìsí toóy vəy, Yaà Vashti ŋwáy ŋwayín. Kí nèn tìnsín fon, wù yú nyár sho ŋkóŋkóŋ.