Ŋgàn 18:6 - ŊWÀʼ NYÙY

⁶ Kisúŋnìn ke kiyuŋ kí wiy a dzə̀ e kitáŋnìn ki, a jí sə́ sí kù taʼ ji á shóʼ wun e ŋgwàne.

Ŋgàn 18:6 Referans Kwoze

Ŋgàn 27:3

Tíyí dzərì, a síy si dzər sa, yii bèy, a tínsín ye kiyúŋ kí tínsin wíri dzə̀r, e shaà vidzə̀m.

Ŋgàn 29:9

A fiì lò, a bìʼ mbìʼ wùn à kiyúŋ kí, bo kiyúŋ kí kù yíi a shwiíy a dzə̀ kilòŋ, a sheʼ wun shéʼén, a bó kinyo kee réŋ kí yòʼ yíi fəə.

Ŋgàn 25:24

Kí bòŋ a dzə e kiŋkfə̀ʼ ke lav, e shaà ké a dzə e lav vèn wiiy kinyàm.

Ŋgàn 20:3

Wìr lóo bàʼàr kinyam, bo wù ghvə́m kitú kfə́, yii bèy, a dzə̀ kù kèʼ kiyúŋ kitáŋnìn.

Ŋgàn 19:29

Wír ve á shéʼ Nyùyi kù wíy a ker ŋgeʼlàʼ, é ŋgwàne shóʼ ndzə̀m viyùŋ.

Ŋgàn 19:19

Wìr lóo nyarnín ŋkóŋkóŋ, wù kù wìy a ker ŋgeʼlàʼ, aà fə̀ə́r wun fo ŋgeʼ, bo wù kù dzəə́ yiì bùʼ kímóʼ kí.

Ŋgàn 17:14

Kinyam ki keʼè, kí wàa dzə moo lav ye yì shémé, kí ghèén ji á táv, e sə̀r fo melaà mè nəə́ shó.

Ŋgàn 14:16

Wìr wo wù kér vifií baʼàr ŋgeʼ, woo kiyúŋ kù a gùynìn, a to kfə́ shó toón.

Ŋgàn 14:3

Kiyúŋ kí yav lám yávin, bo sì ŋgwàn və́ bey. Fiì kù kim kfə́ shuu, kiŋsìn kitú kfə́.

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Ŋgàn 12:16

Wúné kin kiyúŋ, à yèn dòʼshwíiy və, fiì ŋwày kfə́ liy ŋwáyín.

Ŋgàn 22:10

Aà jùm ŋgaà jàʼ, bo à jùm ne kitáŋnìn, kinyam wùn à liy si nèn sèéy.