Ŋgàn 18:5 - ŊWÀʼ NYÙY

⁵ Dzə̀ kinyo ke bi kí fóo bìn nsaʼ, e fo e ŋgaà jay, e bvəʼ ghay wìr woo là jay.

Ŋgàn 18:5 Referans Kwoze

Cù 19:15

«Lá wìr yòʼ a tinén nsaʼ, a loʼ kiloʼ. Lá vèn yòʼ a bìn nsaʼ, a fo e ghéʼncey, kìn dzə̀ mó a bìn nsaʼ, a fàn sí ŋgaà mbàm. Á bèy, vèn kú a tinén nsaʼ se afə́r vén, a ker suuyrú.

Ŋgàn 28:21

Kí yoʼ bòŋ a dìn medzə̀jeéy é lav nsaʼ, yii bèy, wìr diy shúu yi, wù yiì kinyo kee kintéŋ.

Remrí 16:19

Lá áwune yòʼ wìy tìnén nsaʼ e kiloʼ ki. Lá á yòʼ wìy a sə kòyàr, bìʼ fo kí yíi yiì, é wìr tínén nsaʼ kintéŋ, a ŋgaàŋ fə̀m dzə̀ fií, kìn wír wo wù lo, wù yiì kinyo tìítiy.

Nsùyrì Nyùy 82:2

«Vèn wíy a saʼ nsaʼ mbvə́nkíwó, e dù, e meé e le? Vèn yar fó a bìn nsaʼ, a fo e wír ve á méŋ Nyùyi.

Ŋgàn 24:23

Ntir se afiì símóʼ sí sìne. Kí yoʼ bòŋ, e dìn medzə̀jeéy é ghan sé nsaʼ.

Ŋgàn 17:15

Nyùy Tàr ban ŋgaà nsaʼ wo wù tínen nsaʼ ŋgaà njò, fəər wun fo ŋgeʼ, a wù ban sa wo wù tínen nsaʼ lànjò, wáy wun e ŋgeʼ.

Matio 22:16

Á nèn tùm wír vév wùn à wír Fòn Heror ámóʼó ji á du, a woóy a wun. Á dù, e yòŋ jii, «Ŋgaà Yèʼey, vèr kì jii, à kù yii suuy a dzə̀ kinyo ke ru kí, aà kfə̀n yéʼey wíri kinyo ke Nyùy réŋréŋ mo kí dzəə̀n, e làa yòʼ a leéy sí wìr, kìn ŋgaàŋ dzə̀ la.

Aysaya 5:23

Lòné dzə̀ wó wìr ve á sə́ kòyàr, á bìn nsaʼ, e fò e ŋgaà jay, e nèn tòy wír wo wù yoʼ jày é kinyò, a lovtí sho.

Ŋwàʼ Jov 34:19

Nyùy yòʼ kì medzə̀jeéy fo atǎr wòŋe, a bó wù yòʼ yén ji ŋgaà mbàm shaà a ŋgaà kitàn, kù‑uù bòm wun wír vìn adzə̀m.

Mayka 7:3

Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

Aysaya 59:14

Wíri yòʼ dzəə́ taʼ feyì ji á kfən tìnén kinyo e nsànloŋ, a bó á yòʼ dzəə́ taʼ feyì ji bo á kì ghán e Nyùy mbòv. Suuyrú yòʼ kfə̀n dzə̀ə́ e wìr msǒŋ mvəm, aá yòʼ kfə̀n fó kilíŋ e kinyo kee tìítiy ki.

Ŋwàʼ Fəə 23:2

Lá wìr yòʼ jùmrì kinyo ke kisaŋ ke màŋgòŋ yii. Wìr lóo tiím vinjen e kibàʼ ke nsaʼ, lá wù yòʼ jùmrì kinyo ke màŋgòŋ, e lò, e laàr suuyrú.

Ŋwàʼ Fəə 23:6

«Ŋgaà kitàn lóo tiy e kibàʼ ke nsaʼ, vèn wàa yen fó shwìv nsaʼ rə.

Ŋgàn 17:26

Dzə̀ kinyo ke bi kí fóo way lànjò é ŋgeʼ, a kí yoʼ ghèén sa ji á dzəv ŋgaà yiì ye juŋe.

Ŋgàn 31:5

Kí yoʼ ghèén gheéy ji áwune nó, e mèŋ fo á dzəə̀n, e shòʼór nsər, a shii e melùʼ, e fiìnè ghay aàghéʼnceyí.

Mayka 3:9

Ven vee atǎr saʼ rám Jakov, vèn yuúrí, ven ve á sáʼ kitúm kee Isray. Vèn ŋwáy kinyo kee tínén é nsànloŋ, kù jwivrì kinyo ke ru kí jwívrin.

Ŋwàʼ Fəə 23:3

Lá wìr yòʼ dìn sa jeéyjeéy e ŋgaà kitàn e lav nsaʼ ji bìʼ fo dzəə̀n ghéʼncey.