Ŋgàn 18:4 - ŊWÀʼ NYÙY

⁴ Jí se sí fəə́ fo wìr shuù si dzə̀ moo ndzə́v ye yí shoon. Shúu wìri lóo fəə́r jí se sí kér vifií, wú wàa rə̀sìn moo ntoò ndzə̀v ye yì meé fo lòo nsay, léŋé.

Ŋgàn 18:4 Referans Kwoze

Ŋgàn 20:5

Antaŋ ve á dzəə̀n e wìr kwàʼtìi dzə̀ moo ndzə́v ye yí shoon, a kù dzə̀ wír wo wù kér vifií, wo a dzə̀ wù sòvìr, e fə̀ə́r.

Ŋgàn 10:11

Wìr yú Nyùy, fəər jí, sí rəə̀r wír, méŋ Nyùy, fəər jí, sí màʼ melaà.

Kolosia 4:6

Vèn áwune lóo fèr kimfèr, vèn kù a səʼə́m ji nyaáŋ, a suŋnín ji weè, é vèn nèn a kiíy mo dzə̀ á bìnèr kinyo e wìr, wù yù.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Ŋgàn 13:14

Ntir fiì dzə̀ moo ntoò ndzə̀v ye wìr nó, wù lùŋ, a yì kiŋsìn wír fo kpúu.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Matio 12:34

Vèn dzə̀ rám abúv. Bó yòʼ dzə̀ aŋgàa vinyò ve bi ví moo ven ben, á sùúy kinyo ke dzəə̀n ke juŋ ki, bìʼ fo wìr kù yii suuy kinyo a dzə̀ ke kí runen e wùn shiliv.

Nsùyrì Nyùy 78:2

M lo, a fèr vinyo, a yòv a dzə̀ é ŋgàn, a suúy vinyo ve ŋgùʼ ví ve ví kér kilìtì,

Ŋgàn 16:22

Wìr keéri vifií, bo wù sí kér ntoò ndzə̀v ye yì fó wun dzəʼə̀m, aá kù yii sər viyúŋ, a dzə̀ e kiyúŋsì kév kí.

Ŋgàn 18:3

Wìr lóo yiì yii ye bií, yí wìy e nshéʼmé, wù buu ghvə́m, wù shòór kitú.