Ŋgàn 18:3 - ŊWÀʼ NYÙY

³ Wìr lóo yiì yii ye bií, yí wìy e nshéʼmé, wù buu ghvə́m, wù shòór kitú.

Ŋgàn 18:3 Referans Kwoze

Ŋgàn 22:10

Aà jùm ŋgaà jàʼ, bo à jùm ne kitáŋnìn, kinyam wùn à liy si nèn sèéy.

1 Pita 4:14

Kí nén a dzə jii, a wíri lò, a suúy vinyo e věn bàm kisáŋ ji bìʼ fo vèn dzəə̀n wír Kristu, vèn kù lì ji bòŋ a vishí vén, bìʼ fo ghán see shooy si dzəə̀n se vèn yú mo Kiyoy ke Nyùy ke kí kér vitaáví ve ghaʼán kí lim e věn wùn.

Ŋgàn 29:16

Wír ve á méŋ Nyùyi kóʼ e ntaʼ, vinyo ve bi ví kùʼ, yii bèy, wír ve á yú Nyùyi kù wíy yen mo sáʼ yéví gbu.

Ŋgàn 11:2

Wìr kóʼor wún, wù màʼ kitú, li kitú kfə́ shishàr, wù wàa ker vifií.

1 Pita 4:4

Wáa dzə lèn wo bó vèn yòʼ dzəə́ táti ŋgoo wìr ve bó á yòʼ kiìn Nyùy vìn, a vèn áwune ghán, buʼtì vinyo vee shooy, á wáa ker gháʼ, a ghay kinyo ke kí kooyin, e nèn a bàn ven bánen, a kuùrì ven.

Nsùyrì Nyùy 69:20

Liy si kèr ne tím yém, a kém kí kù mày ne. Mò‑oò kiʼ vé kinshame, e làa yòʼ yen wír. Kiʼ ve á wáa njiysí mo, e làa yòʼ yen.

Nsùyrì Nyùy 69:9

M kér shií fo wò lav e ŋàŋ, a wù baári e mǒ shiliv moo və́y. Liy se wíri shur wò sho si nen bìnkìr, e kfə̀n a dzə̀ e mǒ kitu.

Nehemia 4:4

M nèn a bùnrì jii, «Éè Nyùy wor, yuúrí, e yù, á sí ŋwáy ver ŋwáyín. Siìr jí sév sí aáwuné kitu, e tsə̀nsí áwune é kwaʼ nsàm, aá du, a rèŋ vikwàn.

1 Samuel 20:30

Kilòŋ kí nèn shwìíy Saul, wù ŋáʼáy e Jonatan wùn, a suúy jii, «Kinyo ke yè won kí kù dzə̀ e wò bvə̀m. M yèn ne ji à suùsín ne a wó vèn wan Jessi və̀y, e nèn shòór kitú ké, e shòór yè won woo dzəə́ wò.

Ŋgàn 18:2

Kiyúŋ kí yòʼ kér shií ji wun kiíy jeéyjeéy fó kinyò, kí kù yáŋri, suuy kinyo a dzə̀ ke kí gheen wun.

Ŋgàn 18:4

Jí se sí fəə́ fo wìr shuù si dzə̀ moo ndzə́v ye yí shoon. Shúu wìri lóo fəə́r jí se sí kér vifií, wú wàa rə̀sìn moo ntoò ndzə̀v ye yì meé fo lòo nsay, léŋé.

Ŋgàn 13:5

Wìr yú Nyùy, wù wàa bàn kimboʼtì, wìr méŋ Nyùy, wù wàa yiì joonè, a shoór kitú.