Ŋgàn 18:22 - ŊWÀʼ NYÙY

²² Wìr wáy wiíy e lav, bo wù yiì kinyo ke juŋ ki, Nyùy Tàr kfə̀n a leéy wun, a kòŋ.

Ŋgàn 18:22 Referans Kwoze

Ŋgàn 19:14

Láʼ wùn à vikuʼùy ví dzə̀ vitsə́ʼ ve atàrí lem e wóné, a kù fó Nyùy Tàr wiíy woo fií.

Ŋgàn 12:4

Wiíy lóo ker njiìn wo juŋ, wíri wàa ghvəm lúm və, lóo shoór lúm və, wù kfə̀n ji kiváv ke kí səə kighvə́r ké lum və.

Ŋgaà Tàrvìnyò 9:9

Á bvəʼ dzəʼə̀me vèn wiiy wò wo à wayin é shilív, a yu vijuŋ vishiíy vidzə̀m ve Nyùy foon ji à béʼrí é ndzə fèn, fə̀m mo dzəə̀n ndzə ye mvə̀m yòʼ dzəə̀n shó. Vijuŋ vìn vi kù dzə̀ ye yee mbìv ye Nyùy foon ji à wáa yu, kù mo à sorkìr e lìm ye à lim e sar shùy fèn.

1 Korin 7:2

Yii bèy, mo kí fə̀m dzəə̀n ben, a kinjàŋ ki kù gháʼ ghaʼán, kí nén a bòŋ jii, wìr wáa ker və́ə woo wiíy, é wiíy wáa ker a və́ə woo lúm.

Kèʼlo 2:18

Nyùy Tàr nèn lò sùúy jii, «Kí yoʼ bòŋ ji wìr wáa dzə wùn mòʼón. M yíi fèr kifá ke kí gheén fó a dzə wùn wun, a sə wun.»

Hosea 12:12

Jakov‑iì lèʼ, e dù, a beè e wòŋ woo Aram. Wun woo Isray wáa dzə fo, a shìy bvə́y se wìr, shiy bèy, ji júu wiiy və.

Ŋgàn 8:35

Wìr wo wù taʼ mo, yéné, ŋgaàŋ yíi a ker dzəʼə̀m ye dáa, é Nyùy Tàr wáa leéy wun, a kòŋ.

Ŋgàn 3:4

Aà lòo dzə, a yiì bèy, bo Nyùy yíi a kòŋ wò, é wíri wáa kòŋ sa.

Kèʼlo 24:67

Aysi nèn lì Rebeka, e nə̀ə́ sho e kibàn ji wù sì á wíiy və, a kòŋ wun. Shilív sə́ shí nèn a rə̀sìn fo yè wóv kpu.

Kèʼlo 29:28

Jakov biímé, e màysì ŋgàm kiŋkàʼ ke vijin vé wùn Lea yee shooy. Laban nèn kfə̀n fò Racel sho ji wíiy və wùmòʼ.

Ŋwàʼ Rut 4:10

A m kù sí lem sa Rut woo wan wìr Moav, wo dzəə̀n wiiy ŋkfə Maalon. M lem ji vèr wun fíʼ dzəə́ wán wo wù wíy yi vitsə́ʼ vee shooy, fo rám ŋkfəsàyi lay fó kfəə fèn wùn à fó ntèʼ. A vèn tíy vinjen e kishiíy ké lán ki.»