Ŋgàn 18:21 - ŊWÀʼ NYÙY

²¹ Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Ŋgàn 18:21 Referans Kwoze

Efesor 4:29

Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.

Kolosia 4:6

Vèn áwune lóo fèr kimfèr, vèn kù a səʼə́m ji nyaáŋ, a suŋnín ji weè, é vèn nèn a kiíy mo dzə̀ á bìnèr kinyo e wìr, wù yù.

Ŋgàn 10:31

Jì wìr wo wù yúnin Nyùy dzə̀ ntir, aá kù wíy sətí shúu ŋgaà kimboʼtì sə́tín.

Ŋgàn 12:13

Wìr méŋ Nyùy, wù kpù fo wun shuù, wìr yúnin Nyùy, wù bòy fó ŋgeʼ.

Aysaya 57:19

M wíy fo nyaáŋ e wìr dzə̀m, à vee kwaʼdáa, à vee fó mentsə̀mé. Rúrú, m wíy fèr áwune.» Kù suuy wun woo Nyùy Tàr.

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

2 Korin 11:15

kù dzə̀ réŋréŋ mo dzə̀ aŋgaà və́ lìme wàa bìnkìr sa bèy, a yensín ji wír ve á lim a dzə̀ fo Nyùy. Aá yii bèy, káv a dzə̀ lòn, e wìy nəə́ e ŋgeʼ fo vinyò foo fèy.

2 Korin 2:16

Kí lóo rə̀m wír wo wù wíy lày, kí wàa koo moo kirəm ke ŋkfə, a dzə̀ kisəəm ké kpu yee là may. Lóo dzə wír wo wù wíy lùŋ, kí nèn a shàŋ shàŋèn, a dzə̀ kisəəm ké dzə̀ʼə̀m yee là may. Mo wíri kù yii kiiy Kristu a dzə̀ fo wír ve á shaŋ moo kiláy víne, bo wìr wo wù gheenen é lìm fèn dzə̀ la?

Ŋgàn 21:23

Wìr kim shuu və́, wù bòy fó melaà.

Aysaya 3:10

Ké wìr ve á yúnin Nyùy, á ku sùúy aáwune á ji á yíi a ker a vishí ve juŋ vi, aáwune kù yíi sòʼ a sóŋ, bìʼ vinyo ve juŋ ve vé‑eè yii e wír ámóʼó.

Hosea 10:13

«Yii bèy, vèn wày ne ŋgoòy, a dzə̀ liì wo bi, e kàv a dzə̀ kinyo ke bi kí. Vèn sí yí séʼ a dzə̀ kimboʼtì ke vèn rə́si bóʼti, bìʼ fo vèn tiirin vifií a dzə̀ e věn antaŋ, e kù a yòy, a tiír a dzə̀ é mànjòŋ vé rər wo vèn kér nyanyày.

Nsùyrì Nyùy 12:5

Nyùy Tàr suúy kfə́ jii, «Mo‑óò lo lèn, é vèn yén. Mo vèn nyavrì e vé kitàne, a vé ŋgeʼe ŋéyti sóŋ, m yíi kaáy, a kìŋsìn áwune mo á diyì.»