Ŋgàn 18:2 - ŊWÀʼ NYÙY

² Kiyúŋ kí yòʼ kér shií ji wun kiíy jeéyjeéy fó kinyò, kí kù yáŋri, suuy kinyo a dzə̀ ke kí gheen wun.

Ŋgàn 18:2 Referans Kwoze

Ŋgàn 1:7

Wìr lóo ghvəm Nyùy Tàr, bo wù sí yiì a kiíy vinyo. Yii bèy, kiyúŋ kí ŋwáy kfə́ ntir, tén fó a jùmrì vifií.

Ŋgàn 12:23

Fiì yòʼ yii din kiíy, a kiyúŋ kí kù din kiyúŋsì kfə́.

Ŋgàn 17:16

Aá ton mbàm ji kiyúŋ kí keérí vifií, a bó kí yòʼ kér shií e yeʼéy, bo séʼ dzə̀ ka?

Ŋgàn 13:16

Fiì yii kinyo moo fií, a kiyúŋ kí kù din kfə́ kiyúŋsì kfə́ dínen.

1 Korin 8:1

M nén a bìnèr lèn a dzə̀ ke vèn‑eè dzə́ti kùm vifá ve yi ve á cuùn anyùy sho. Vèsən kì ji wìr mòʼón mòʼón fo vèsən kìíy ne a kfə́ kee kinyo ke wù tíy sho e kinyò fèn. Yii bèy, kee shooy ki lo, kí nèn a yiì, wìr wàa sùmrì a dzə̀ wún. A ke dzə̀ kí sə̀ wír ki kù dzə̀ ji wìr wáa kòŋ fə́r və, a ghvəm sa kfə́ kee kinyo ke wù tíy sho.

Ŋgaà Tàrvìnyò 10:3

Kiyúŋ kí fə́m lóo ghan e dzəə, kí kù a buú vifií, a dìn e wìr dzə̀m ji wun yùŋsí.

Filipi 1:15

M kì ji ámóʼó fiʼtì kév, aá gheʼ mo ghéʼen, táŋ lim yém. Yii bèy, aámóʼó fiʼtì e shilív she juŋ shi,

1 Korin 14:12

M nén a tir ven jii, mo vèn sí wáy vifií ji vitaáví vé Kiyòy ke Nyùy vi wáa yensín e věn mvəm, vèn kú a jùmrì kitú ke kinyò ji á wáa ker a dzə̀ vee shooy vee ambùʼmé ve dzə̀ á wàa tavír kintatì.

Matio 8:34

Wíri yú, e nèn keèmè fo mvə̀mlaʼ, a dù ji á yén a Jesus. Á dù, e yèn, e nèn lò, a lon jii, kii wun, wù lo á fo áwuné wòŋ.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋgàn 18:3

Wìr lóo yiì yii ye bií, yí wìy e nshéʼmé, wù buu ghvə́m, wù shòór kitú.