Ŋgàn 18:18 - ŊWÀʼ NYÙY

¹⁸ Melaà mè yii gháʼá, á màʼ sí mbàm, e lì mbìv ye yì fəəsin, kí tìnén melaà, e jàvsìn vindzəʼ ve antav.

Ŋgàn 18:18 Referans Kwoze

Ŋgàn 16:33

Wíri lo, á shwèŋ kinyo shwéŋén, yii bèy, a kinyo ke ru kí kù yii din Nyùy Tàr.

Nehemia 11:1

Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

1 Wòŋ 24:31

Atǎr kfəə véví‑iì lo, á shwèŋ yév yee lim, kù mo afə́r vév vee wón Aarone‑eè shwéŋé. Áwune kù‑uù li wír ve vé‑eè ràmèn fo fə̀r woo ŋgàywìr, réŋréŋ mo vé‑eè li ve vé‑eè ràmèn fo fər və wo terí. Vé‑eè shwéŋ bèy, a wíri dzə́ fo, aá dzə̀ jii, Fòn Davir wùn à Tsadok, à Ahimelek, aàtǎr kfəə se atàá cù si, e bóo lì atǎr kfəə vee kibér ke rám Levi.

1 Wòŋ 6:63

Ké kfəə Merari e melav melav, vé‑eè fò áwune ŋkà se laʼ e nsay rám Ruben, e fò e ye Gad, à e ye Sebulun. Sidzə̀m si wáa dzə nshòv sibaà e ghvə̀m réŋréŋ mo lav sév sí dzəə̀n.

1 Samuel 14:42

Saul nèn kfə̀n sùúy jii, «Vèn tar ó ji sà jày mo moo Jonatan a?» Á tàr, kí koó Jonatan.

Joshua 14:2

e fò e rám seé Isray see bvə̀ʼə̀ si, e fò sá e yee kintoʼnìne. A vé‑eè maʼ kifá, tar sho, e bó a kiíy kirə́ʼ ke á fó e rám yee shóo réŋréŋ mo Nyùy Tàr‑iì yiìn ne yòŋ e Mooser ji á wàá yii.

Ŋgàn 18:17

Wìr neer nsaʼ rə fó mbìy, yì wàa dìn suuyrú, e meé mo ŋgaà və nsaʼ yíi dzətí wun vinyo.

Ŋgàn 18:19

A dzə̀ wìr tàv, e tò kay yeé ŋkàlaʼ ye tavíné, a bó yòʼ dzə̀ wù kòʼtí e fə̀r wo á tinsin ne ghaŋ. Melaà mè yii javsìn ŋkar si moo visha ve ví sə́ti shúu kày fo wìr nəə́.

1 Samuel 14:41

Saul nèn mbaà Nyùy Tàr woo Nyùy wìr veé Isray jii, «Nyùy Tàr, ku dìn o kinyo ke ru kí.» Wù dín, kí koó kiwuú ké Jonatan wùn Saul, wíri rán.