Ŋgàn 18:16 - ŊWÀʼ NYÙY

¹⁶ Wìr fó fómo, wù mvə̀ʼ dzə́ə sə́, e kòóy dzə́ə sé a suŋnín wùn à wír ve kuʼkìné.

Ŋgàn 18:16 Referans Kwoze

Ŋgàn 19:6

Kùʼùn wìr kù yii diy ji wìr wo kuʼùn wáa kòŋ áwune, à lóo fo fómo, wìr dzə̀m wàa dzə ŋkar yè.

Kèʼlo 43:11

Tàr wov Isray yòŋ aáwune jii, «A fèn dzə̀ ji á mo kí kér fó a dzə, vèn kù tày vifá ve juŋ vímóʼ ví veé wòŋàn, e wày e věn vibàm, a səy sho ji fómo taà saʼ woo shó. Vèn ku lì mentuʼ me kilày kee *baam wùn à kee *mer ki, à virə̀ʼtìn ve vifa vi. Vèn kfən lì sa vilu, e lì báŋ se vici vee *pistacio si, à sé *almon si.

Ŋgàn 17:8

Kòyàr lim fo ŋgaà fo moo shív, wù binkìr fo feé, wù kùʼ kúʼun.

1 Samuel 25:27

Tàr wor ku sə̀ á afómo ve wánlè və fó e wun vìn, e fò áàŋgàa ŋgoo vəə́.

Kèʼlo 33:10

Jakov sháʼnín, e kù a lon jii, «Kii wò, ku sə̀, é wòsò tárnín kiwó. À kì səə̀sí mo bey, m yén sí yé, wáa dzə mo m shòv a dzə̀ á sí Nyùy bèy.

Kèʼlo 32:20

Lá á yòʼ làysìn fó suúy ji wánlè və lìm woo Jakov wiy a fo bàm. Jakov‑iì tsə́nsi afómo vin fo mbìy, rəm jii, wun yún kitú kfə́ shó fo Esav, shilív sə́ shí rəsìnè, é bo wùn wun tárnín, tàm e ghan símóʼ sí, é wù səə́sí á wun.

Ŋgàn 21:14

Fómo woó kilìtì yii rəər dòʼshwiíy, a woo bámbám rəər dòʼshwiíy wo tavín.

1 Samuel 16:20

Jessi nèn tàʼ *kibán wùn à meluʼ mè, à wàn bvəy, e kùr é kimbèʼbìy, e tsə̀nsí ji wan və Davir wàá du shó, e fò e fòn.

Ŋgàn 18:17

Wìr neer nsaʼ rə fó mbìy, yì wàa dìn suuyrú, e meé mo ŋgaà və nsaʼ yíi dzətí wun vinyo.

2 Afòn 5:5

Fòn nèn sùúy jii, «M lo, e tum wò lèn e ŋwàʼa, áà du, e fò e fòn woó Isray.» Naaman nèn sə̀ ŋwàʼ, a dù sho, du bèy, kér mbàm se dzəə̀n kisha ke mbàm ke fəvír kí *ashekel nsə̀kì mtaár (30,000), kfə̀n kér see kisha ke mbàm ke baar kí ashekel nsə̀kì ntuùfú (6,000), à ndzə̀y sé ŋkàʼ sí e ghvə̀m.