Ŋgàn 18:10 - ŊWÀʼ NYÙY

¹⁰ Nyùy Tàr dzə̀ kirə́ʼ ké kilìr ke tavín kí, wìr wo wù yú Nyùy, léʼ tó fo, wù bòy.

Ŋgàn 18:10 Referans Kwoze

2 Samuel 22:3

Nyùy wom, à dzə̀ kirùmèn kém ké nsàm. À dzə̀ ŋkeè wom, ntav wo wù luŋèr mo. Dzə̀ wò kirə́ʼ kém ke tavín kí, mbvə̀ʼ ye m lir sho. Dzə̀ wò Mfə̀ə́r wom, aà boyìr mo fo aŋgàa vibàn vémé wo.

Nsùyrì Nyùy 91:2

ŋgaàŋ yíi a yòŋ e Nyùy Tàr jii, «Kù kiŋsìn wò mo, a kù shiy wò mo. À dzə̀ Nyùy wom, a m tiir vifií a dzə̀ e wò wùn.»

Aysaya 26:4

Ven adzə̀m, vèn kú a yòy, a tiír a dzə̀ e Nyùy Tǎr wùn ghán sidzə̀m, Wun woo Nyùy Tàr dzə̀ kilán késən, e wìy dù, e mày.

Nsùyrì Nyùy 144:2

Wù dzə̀ ji kilán kém, kirə́ʼ ke kí kiŋsìn mo. Wù dzə̀ kóy wóm wo tavíné, a dzə̀ ŋgaà lùŋèr wom. Wù dzə̀ ŋkeè wom, a m lir a dzə̀ e wun wùn, a dzə̀ wun wo wù ton vitúm, lem e mǒ sar saʼ.

Nsùyrì Nyùy 27:1

Nyùy Tàr dzə̀ kikaʼày kém, a luŋèr wun mo. A dzə̀ m wàa fàn la? Nyùy Tàr dzə̀ kóy wóm wo tavíné. A dzə̀ m kfə̀n a fàn ka?

Nsùyrì Nyùy 18:2

Rúrú, Nyùy Tàr dzə̀ kilán kém, kirə́ʼ ke kí kiŋsìn mo. Wù dzə̀ Mfə̀ə́r wom. Nyùy wom dzə̀ kirùmèn kém ké nsàm. Wù dzə̀ ŋkeè wom. Wù dzə̀ ntav wo wù luŋèr mo, kirə́ʼ kém ke tavín kí.

Kèʼlo 17:1

Abram meé kiyá nshòv bvə̀ʼə̀ e mbvə̀ʼə̀ (99), Nyùy Tàr wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem,

Ŋgaà Yen 1:8

Nyùy Tàr, wun woo Nyùy suuy jii, «M dzə̀ *Alfa, e kfə̀n a dzə *Omega, a dzə̀ ji Keʼ wùn à Kinjòʼsì kí.» Suuy wun woo Nyùy woo Ŋgaà Vitaàví Vidzə̀m, wo wù‑uù siìn, a wù dzə̀ lèn, a wù kù wíy a dzə.

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

1 Samuel 30:6

Davir nèn lò, e nə̀ə́ é ŋgeʼ ye tavín, bìʼ fo wír və́ adzə̀me‑eè sí dzə́ ji á lo, e tsəmrí wun e tíyí. Kí‑iì nyàr áwune féyì mo vé‑eè kuuyin wón vév, e dù sho. Yii bèy, Davir ku tìír a dzə̀ Nyùy Tàr woo Nyùy və fó mbìy, wù távír wun.

Jeremia 23:6

Wíy lòo dzə e wun ghan sé saʼ, é wír veé Judàa boy, é dzəʼə̀m wìr veé Israyi wáa dzə e kiŋsìn. Yír ye á wíy a yòŋ wun shoo dzə̀ jii, ‹Nyùy Tàr woo Ŋgaà Lùŋèr wor.› »

Nsùyrì Nyùy 91:14

Nyùy suuy jii, «M wíy bòyìr wír wo wù tíy e mǒ wùn, koŋ mo, a kìŋsìn wír wo wù bínsi mo ji Nyùy.

Habakuk 3:19

Nyùy Tàr woo Taà Ndzə dzə̀ vitaáví vém, wù yii, a wuú yémé caʼ moo yé nshà, a m léʼ, yáʼay agwan, e làa yòʼ a bàyrìn.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

2 Samuel 22:51

«Rúrú, Nyùy Tàr leey fo fòn wo wù shoʼon, fó wun vitaáví, a wù ton vitúm vinín. Wù din koŋ rə́ ye wiyí e wìr wo wù yoʼon, din e Davir wùn à rám rəə́, e dù, e jòʼsì.»

Kèʼlo 32:11

M tóŋ e wò ji bòyìr mo fo fər wom Esav wo m fan ji a tàm é ghan símóʼ sí, é wù wiy, e laàr vèr à vikìy, à wóné.

Ŋwàʼ Fəə 6:3

Mò‑oò dìn kitú kém e Abraham wùn à Aysi, à Jakov ji Nyùy woo Ŋgaà Vitaàví Vidzə̀m, yii bèy, e làa yòʼ yiì, aáwune kiíy yír yém yee Yahweh.

2 Samuel 22:2

Wù‑uù yov, táŋ jii: «Nyùy Tàr, à dzə̀ kilán kém, kirə́ʼ ke kí kiŋsìn mo. À dzə̀ Mfə̀ə́r wom.

Ŋgàn 14:26

À lóo yunín Nyùy Tàr, bo wù sì kóy wó wo tavíné, e kfə̀n a dzə kikiŋ ke vèn à wón vée.

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.

1 Samuel 17:45

Davir suúy jii, «À wiy, taáme mo e nyùy wùn à e kòŋé, à shiwán shé kòŋ shí, a m taáme kém wò a dzə̀ é yír Nyùy Tàr woo Taà Mànjòŋ, Nyùy vé rər veé Isray wo à tàʼàn ntéŋ.

Nsùyrì Nyùy 20:2

Wù kú a dzə e wun kirə̀ʼ ke ranén kí, a sə fon. Wù kú a tom wun fo Gwan Sion.