Ŋgàn 17:5 - ŊWÀʼ NYÙY

⁵ Wìr wo wù té lám e ŋgaà kitàn, kuu a dzə̀ Nyùy woo ŋgaà mbom və, a wo wù shéʼ ŋgeʼ se wùmòʼ yòʼ wíy bòy fo ŋgeʼlàʼ.

Ŋgàn 17:5 Referans Kwoze

Ŋgàn 14:31

Wìr lóo nyàvrì e ŋgaà kitàn, bo wù kuu Nyùy woo ŋgaà mbom və, wìr wáa rər mendzən me ŋgaà kitàn, bo wù ghvə́m Nyùy.

1 Joon 3:17

Yii bèy, a wìr kér kifá, e yèn fə́r və, e tèn fó sə wun, bo bó wù yòʼ koŋ wíri mo Nyùy koŋè.

Ŋgàn 16:5

Wìr lóo kùm kiŋkùm, Nyùy Tàr wàa bàn wun, rúrú, a bó áwune yòʼ wíy bòy fo ŋgeʼlàʼ.

Ŋwàʼ Jov 31:29

«Vé‑eè ghàn ne sèn ŋgaà wom vibàn, m wáa seŋ a? Ŋgeʼ si‑iì ghàn ne nəə́ wun, m wáa sheʼrí a?

Ŋgàn 14:21

A wìr ŋwáy ŋgaà shuù lav və, bo dzə̀ kinyo ke bi kí, wù wáa rər mendzən me ŋgaà kitàn, wù wàa ker kisəəvì.

Ŋwàʼ woó Rom 12:15

Wíri lóo sheʼrí, vèn áwune wàa sheʼrí adzə̀m. Á lóo sòv kitú, vèn áwune wàa sòv adzə̀m.

Jeremia 17:16

Bó yòʼ ghíʼ mo wò ji à tsə́nsí ŋgeʼ e wír vìne. M yòʼ‑oò ló a dìy ji ŋgeʼ si koóy áwune. Wówò, à kì kinyo ke kí fəən fo mǒ shuù, kí dzə̀ e wò si tèéter.

Nsùyrì Nyùy 69:9

M kér shií fo wò lav e ŋàŋ, a wù baári e mǒ shiliv moo və́y. Liy se wíri shur wò sho si nen bìnkìr, e kfə̀n a dzə̀ e mǒ kitu.

Obadia 1:16

Mo vèn‑eè koʼon e mǒ gwan wo ranén, a no fo noón, dzə̀ mo vèn à vitúm vidzə̀m vi wíy a no bàr ŋgeʼlàʼ, a no, a rəvkír, e meé mo á wíy taʼrí e mày.»

Esiker 25:3

Suúy e wír veé Ammone jii, vèn yú kinyo ke Nyùy Tàr woo Taà Ndzə suuy ki. Ke Nyùy Tàr woo Taà Ndzə suuy ki dzə̀ jii, ‹Vèn‑eè maʼ kinseŋ e ghan se ŋgày cù yem‑eè birin, bínsi jii, á lèn, á lèn. Vèn kfə̀n‑eè maʼ sa e ghan se vé‑eè tònèn woŋ Isray, e siìr e vifə̀m, kfə̀n màʼ e ghan se vé‑eè koorin wír veé Juda, e dù sho e kwaʼ nsàm.›

Obadia 1:10

«Yiì nyavrì ye wò‑oò nyàvrìn e fər wò Jakov, aá wíy laàr ven, e shoór ŋkuuŋkùŋ.