Ŋgàn 17:23 - ŊWÀʼ NYÙY

²³ Wìr kisaŋ lo, wù nyàʼtí, e sə̀ kòyàr, e nèn bìn nsaʼ, e fò a dzə̀ e ŋgaà njò.

Ŋgàn 17:23 Referans Kwoze

Mayka 7:3

Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

Ŋgàn 17:8

Kòyàr lim fo ŋgaà fo moo shív, wù binkìr fo feé, wù kùʼ kúʼun.

Ŋwàʼ Fəə 23:8

Lá wìr yòʼ sə̀ kòyàr, bìʼ fo wù yíi yiì, é wìr wo wù sí yén virə́ʼ kfə́n ji mfìr, aá shwiv nsaʼ wìr woo là jay.

Remrí 16:19

Lá áwune yòʼ wìy tìnén nsaʼ e kiloʼ ki. Lá á yòʼ wìy a sə kòyàr, bìʼ fo kí yíi yiì, é wìr tínén nsaʼ kintéŋ, a ŋgaàŋ fə̀m dzə̀ fií, kìn wír wo wù lo, wù yiì kinyo tìítiy.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Esiker 22:12

Wír vén ámóʼó lo, á biìmé, e sə̀ mbàm, e fíʼ yuyrí wír. Aámóʼó fo věn mvəmé foor mbàm aàfə́rí, sə́ seʼ ŋgwaákínyé ji á kuʼkir. Vèn buʼtì vinyo vìn bèn a bó á yòʼ fan mo. Suuy mo woo Nyùy Tàr woo Taà Ndzə.›

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Ŋgàn 21:14

Fómo woó kilìtì yii rəər dòʼshwiíy, a woo bámbám rəər dòʼshwiíy wo tavín.

Ŋgàn 18:16

Wìr fó fómo, wù mvə̀ʼ dzə́ə sə́, e kòóy dzə́ə sé a suŋnín wùn à wír ve kuʼkìné.

1 Samuel 12:3

Mo və̀ne a m tíy e věn si. Vèn tóʼ ri lòn wómé e Nyùy Tǎr si wùn à e fòn wo wù yoʼón si. Mò‑oò kùvrì nàʼ la? Mò‑oò kùvrì kimbèʼbìy ké la? Mò‑oò bòʼ la? Mò‑oò nə̀ʼsì la? Mò‑oò sə̀ kòyàr fo la wo wù yii, é la m yòʼ dzəə yèn jay və. A dzə̀ ji mò‑oò lo yiì kinyo fo vinyò vìn, vèn yòŋ é m siysi.»

1 Samuel 8:3

Bó áwune yòʼ‑oò ló a jùmrì liì tàr wov. Vé‑eè koŋ a dzə̀ yíkísáŋ, sə́ kòyàr, nèn shwiv nsaʼ si.

Ŋgaà Tàrvìnyò 7:7

Rúrú, fiì lóo kùvrì kiŋkùvrì, wù kfə̀n é kiyuŋ, a kòyàr bívir wír.

Aysaya 5:23

Lòné dzə̀ wó wìr ve á sə́ kòyàr, á bìn nsaʼ, e fò e ŋgaà jay, e nèn tòy wír wo wù yoʼ jày é kinyò, a lovtí sho.

Esiker 22:27

Vilìmbìy vév ví dzə̀ moo koosàʼ wo wù koon nyám, a sàʼ, mensə́ mè wáa cùrkìr. Áwune nen kfə̀n a laàr wíri, e shií ji á wáa kuúy séʼ.

Mayka 3:9

Ven vee atǎr saʼ rám Jakov, vèn yuúrí, ven ve á sáʼ kitúm kee Isray. Vèn ŋwáy kinyo kee tínén é nsànloŋ, kù jwivrì kinyo ke ru kí jwívrin.