Ŋgàn 17:22 - ŊWÀʼ NYÙY

²² Shilív shee nyaáŋ shí yii, a wìr dzə́ kitávín, a she ndzəʼə́n shí fó a dzə̀ kinjuùmé.

Ŋgàn 17:22 Referans Kwoze

Ŋgàn 15:13

Wìr lóo yu vijuŋ, wù wàa ŋwàŋkìr. Shilív shí ndzə́ʼə́, wù wàa dzə e nsòv.

Ŋgàn 12:25

Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.

Ŋgàn 18:14

Shilív she wìr wayin ji wun yíi lùŋ shi fəər wun fo yàsí, a she weeyìn shí wáy ŋgaà yàsí wáyín é sày.

2 Korin 7:10

Wìr yii lóo sòv kitú ji wun jày e Nyùy, Nyùy nèn sə̀ wun, wù bìnèr shilív sə́, e dù, e nə̀ə́ e dzə̀ʼə̀m yee là may. A bó yòʼ dzə̀ wù kfə̀n a rə̀m ntéŋ. Wù lóo yu a dzə̀ nyár mo á yii lóo dìn jay wìr, wù wàa yu a dzə̀ nyár, kí nèn dànèr wun, e wày wáyín é kpu yee là may.

2 Korin 2:7

A dzə̀ lèn, vèn làysìn kinyo kee shooy fo wù wáa màysì, a rə̀m ntéŋ, é shilív sə́ shí wáa weèy.

Nsùyrì Nyùy 22:15

M yùm ne moo kimbvə́ʼ ke láŋ, a vitaáví vém ví mày ne. Kiliímé kém kí bárín e mǒ kilayláy, aà fò ne mo e kpúu.

Ŋgàn 16:24

Jí se juŋ si dzə̀ moo ghám vilù, sí nyom e shuù, baʼrì jav wùn.

Ŋgaà Tàrvìnyò 2:2

M yén ji a wìr jum a dzə̀ kishéʼrì, bo kee shooy ki dzə̀ kiyúŋsì. A dzə̀ ji wìr kú a yi a dzə̀ kitú, kí fə̀ə́r ka?