Ŋgàn 17:19 - ŊWÀʼ NYÙY

¹⁹ Wìr wo wù koŋ kinyo ke bi kí yii táŋninè, a wo wù raʼsì wún yíi gbù.

Ŋgàn 17:19 Referans Kwoze

Ŋgàn 16:18

Wìr kóʼor wún, wù nèn lò gbù, lóo yen kitu kfə́, wù tò é kinyò.

Ŋgàn 18:12

Wìr lóo koʼór wún, Nyùy sèn wun, li kitú kfə́ shishàr, á wàa ghvəm wun.

Jeem 1:20

Vèn wáa kiíy ji wìr lóo shwiíy kilòŋ, bo bó yòʼ dzə̀ wù dzəə yiì kinyo ke kí gheén Nyùy.

Ŋgàn 29:9

A fiì lò, a bìʼ mbìʼ wùn à kiyúŋ kí, bo kiyúŋ kí kù yíi a shwiíy a dzə̀ kilòŋ, a sheʼ wun shéʼén, a bó kinyo kee réŋ kí yòʼ yíi fəə.

Ŋgàn 24:27

Báʼtí súm wóo, e lìm, e wày ŋgoòy se vifa sho, fo bàm, à nèn bàʼrì lav yè.

Ŋgàn 17:14

Kinyam ki keʼè, kí wàa dzə moo lav ye yì shémé, kí ghèén ji á táv, e sə̀r fo melaà mè nəə́ shó.

1 Afòn 1:5

Adonija woo wan ntoʼ wo yè wov‑iì dzəə̀n Haggit nèn lò, a koʼór kitú kfə́, a suúy jii, «M yíi a dzə fon.» Á bèy, wù nèn bàʼtí *viténtén vé rər, à vé koʼo, à wíri mtàn ve á wáa nyeŋ e wun mbìy.

2 Samuel 15:1

Ghán sí lòo dù, Absalom tàʼ kár wùn à nyám se sí wáa sə̀ŋ wun si, à wíri mtàn ve á wáa leʼ fo mbìy wo.

2 Korin 12:20

Kinyo ke m fan ki dzə̀ jii, ghanmóʼ, é m wìy wìy, e yèn kinyo ke kí wáa nyar mo, é m nèn a nyarnín sa. A m fan fó wìy wìy, e yen, a vèn seʼnìn, gheʼnìnè. Kìn vèn shwiiy a dzə̀ kilòŋ, kìn wìr diy a dzə̀ və́ woo shuu. Kìn dzə̀ ji vèn duú viduú, súʼ kinsuʼ. Kìn ámóʼó kóʼor wún, a wíri dzə́ jeéy jeéy.