Ŋgàn 17:17 - ŊWÀʼ NYÙY

¹⁷ Ŋkar wìr yii koŋ wun ghán sidzə̀m, a wìr shéʼri fə́r və bìʼ ghán sé ŋgeʼ.

Ŋgàn 17:17 Referans Kwoze

Ŋgàn 18:24

Wìr lóo ker ŋkar sinín, wù kpù kitan, yii bèy, a ŋkar yìmòʼ bòŋ, e shaà fə́r.

1 Samuel 20:17

Jonatan kfən yiì, Davir yùŋrì mensaŋ me kikòŋnìn wùn wun, bìʼ fo Jonatan‑eè koŋ Davir mo wù‑uù koŋ kitú kfə́.

Ŋgàn 19:7

À tanè, afə́rí wàa leéy wò ntéŋ, bo a dzə̀ ké ŋkar si kí fòy fóyin. À fə́m lóo tàʼ ji à bí wír e kinyò, wù wàa ŋway wò ŋwáyín.

1 Samuel 18:3

Jonatan nèn gwàr *mensaŋ wùn Davir, bìʼ fo wù‑uù koŋ wun mo wù koŋ kitú kfə́.

Hibru 2:11

Wùn à Jesus wo wù yii, aá gheen ji wón Nyùyi nén a ker Tàr wov e mòʼón, a dzə̀ Nyùy. Á kinyo ke kí‑iì yiìn, bo Jesus wáa yòŋ áwune ji afə́r və́, e làa yòʼ a dzə̀rkìr.

Ŋwàʼ Rut 1:16

Rut nèn bìnèr jii, «Kii wò, lá à yòʼ a yòŋ ji m maʼti á wò. «Kìn à du a dzə̀ feé, bo kù du wòsò. Kìn à yíi a dzə fèé, bo kù yíi a dzə wòsò. Wír vée yíi a dzə wír vém, Nyùy wo à bunrì dzə̀ wo m yíi a bùnrì.

Esta 4:14

Á bèy, aà gòʼ kisə́sə e ghan fen, bo dzəə̀ yìmòʼ kù‑úù fəə́sín ye dzə̀ wír veé Judàa keèrí sə́ fo fo, e bòy fo á laar áwune. Yii bèy, aá yíi laàr vèn à kfə́ə tàr woné láarin. Àshè, yòʼ kì la, a wò‑oò kóʼ ntaʼ viyaà é ntoʼ fèn ji kí kooy bèn, áà fiʼ bòyìr wír veé Juda, bo taaka lèn wo rə́mrə́m kinyòo gbuùn ne aáwuné kitu.»

2 Samuel 1:26

Fə̀r wom Jonatan, kpú yée nə̀ə́ mo é ŋàŋ. Wò‑oò koŋ mo, a kí boŋ mo é ŋàŋ. Kí‑iì boŋ mo, e shaà mo wiíy kòŋ wán kìn lúm.

1 Samuel 23:16

Jonatan woo wan Saul nèn lò dù, e yèn Davir e Horesh fèy, a tavír wun, a suúy ji Nyùy yíi a kìŋsìn a wun.

1 Samuel 19:2

wù nèn tòʼ e Davir jii, «Tàr wor taʼ dzə́ə yée yuyrí wò. Kí nén a dzə jii, à bvəə́shi kijàvndzə, à wàa kiíy mo ghán yée dzəə̀n, e lèéy kirə́ʼ kí, e lìr sho.

2 Samuel 15:21

Yii bèy, Ittay bìnèr jii, «Mo Nyùy Tàr dzəə̀n shó, a fòn woo taàtá wom kfə̀n dzə̀ sá sho, a fə̀m dzə̀ kpú, a fə̀m dzə̀ luŋ, bo m kù dzə̀ vèr fòn woo taàtá wom.»

1 Samuel 19:3

Vèr tàr wor bvəə́shi, e dù e kwaʼ, e tiím fo à dzəə̀n, é m wáa ghay wún é kinyò kee kùm wò. A m lòo dzə e yù kinyo, é m yii, áà kiíy.»

Ŋgàn 16:28

Ayìíkumé samèr melaà e wírí mvəm, a ŋgaà viduu bvəər ŋkar si.

Ŋgàn 19:13

Wàn yúŋsi wù sə̀ʼsí kéŋ tàr wov, wiíy lóo nyàm, bo wù sì moo wuú ye yí shémshem e lav.