Ŋgàn 17:16 - ŊWÀʼ NYÙY

¹⁶ Aá ton mbàm ji kiyúŋ kí keérí vifií, a bó kí yòʼ kér shií e yeʼéy, bo séʼ dzə̀ ka?

Ŋgàn 17:16 Referans Kwoze

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋgàn 18:15

Wìr woo fií kù yii diy a dzə̀ ji wun yéʼéy kinyo, kér shií a dzə̀ ji wun kiíy kinyo.

2 Korin 6:1

Vèr nén a boòrì ven moo wír ve vèr à Nyùy tatin wó, a lìm lim rə́ jii, lá vèn yòʼ màʼày kilíŋ ke wù bùʼùn ven shó kìn, é kí lay á kisáŋ.

Remrí 5:29

Kì yée fó a dzə feyì ji á mo shilív shév shí dzəə̀n ben ghán sidzə̀m. Áwune kì yèe fó a fàn mo, a lèm nsər sém sidzə̀m, é kí fiʼ yiì, aáwune wáa ker vishí ve juŋ vi, à rám yéví shó, e wìy dù, e mày.

Lim Aŋgàa Ntum 13:46

Wùn Banabar kú a suŋnín tèéter, a suúy jii, «Vèr kù‑uù kér fó tòmbìy fìʼtì kinyo ke Nyùy a dzə̀ e vèn vee wír veé Juda. Mo vèn tenen, e màʼày vitú vén ji bó á yoʼ ghèén fó wìy nəə́ e dzə̀ʼə̀m yee là may, bo vèr sí binkìr, a fìʼtì a dzə̀ e wír ve bó yòʼ dzəə̀n veé Judàa.

Joon 3:20

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Hosea 4:11

«Meluʼ mè bvə̀ə́r ne vifií vé wìr vém, mo á nó mee lán, nó me shiiyín mè. Wír vémé yòʼ dzəə́ kiiy fo á dzəə̀n.

Ŋgàn 14:6

Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.

Ŋgàn 24:7

Vifií ví tàv é ŋàŋ fo kiyúŋ kí kiíy, a bó yòʼ dzə̀ kiyúŋ kí mvə̀ʼ shuu fo á yii tínen nsaʼ.