Ŋgàn 17:15 - ŊWÀʼ NYÙY

¹⁵ Nyùy Tàr ban ŋgaà nsaʼ wo wù tínen nsaʼ ŋgaà njò, fəər wun fo ŋgeʼ, a wù ban sa wo wù tínen nsaʼ lànjò, wáy wun e ŋgeʼ.

Ŋgàn 17:15 Referans Kwoze

Ŋwàʼ Fəə 23:7

Lá vèn yòʼ tòy wír e kinyò kisáŋ. Vèn wáa yen fó yiì, aá yúyrí wír woo là njò, a bó wù yoʼ jày kinyo. Bó m yòʼ wíy màʼtì wír wo wù yiìn kfə́ə kinyò ke bi kee bey.

Aysaya 5:23

Lòné dzə̀ wó wìr ve á sə́ kòyàr, á bìn nsaʼ, e fò e ŋgaà jay, e nèn tòy wír wo wù yoʼ jày é kinyò, a lovtí sho.

Ŋgàn 18:5

Dzə̀ kinyo ke bi kí fóo bìn nsaʼ, e fo e ŋgaà jay, e bvəʼ ghay wìr woo là jay.

Amos 6:12

A dzə̀ nyám se ŋkoʼ si wàa nyeŋ e kitu ke vilan a? A dzə̀ wìr wàa tsəəné nàʼ, wù wàa lìm lim e kitu ke vilan a? Yii bèy, vèn lì ne kinyo kee tìítiy, e bìnèr ji ke shiʼirín kí, e lì yii ye juŋe, e siìr ji ye bií.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Jeem 5:6

Vèn‑eè lo, á gòvtì wír là jay, e kù tìnén nsaʼ ji á yúyrí, a bó yòʼ dzə̀ wù wàa ker shuu wo dzə̀ wù bìnèr kinyo sho.

Ŋwàʼ woó Rom 4:5

Ké Abraham ki nén a dzə moo ké wìr wo bó wù yòʼ leey ji wun lim kifá ke dzə̀ á làʼ wun fo fo. Wù wáy kfə́ shilív a dzə̀ e Nyùy wùn ji dzə̀ kù yiì Nyùy, bo wun woo ŋgaà vinyò ve bi ví rán fó nsaʼ. Nyùy nèn lì wun líin ji wír və woo là jay.

Amos 5:12

M kì mo vinyo ve vèn buʼtì vi kùʼùn, e mèé, a m kì vinyo ve bi ve vèn yiìn vidzə̀m. Vèn nyavrì aàlànjòó, sə́ kòyàr, jívir fo á wáa tinén kinyo ke aghéʼncey é nsànloŋ.

Amos 5:7

Ven ve vèn jwivrì kinyo kee tínén é nsànloŋ, vèn yú. Vèn ku yù, ven ve vèn tén fó a fo gháy wíri áàŋgaàŋe.

Ŋgàn 6:16

Yíi wìr msòŋé dzə̀ ntuùfú ye Nyùy Tàr banè, a yee saàmbàa kfə̀n dzə̀ ye wù yòʼ fə̀m taʼ e yu à yúu shó,

1 Afòn 21:13

Vé kiŋari nèn wìy abaà, e dzə̀ʼə̀m e wun ŋkìʼnìn, a gòvtì wun e wírí si, a suuy jii, «Nabot‑iì kuù ne Nyùy, e kfə̀n kuù fon.» Á bèy, á nèn tùʼ wun, e fəə̀ ŋkàlaʼ sho, e tsə̀mrí, e yùyrí.

Ŋgàn 11:1

Nyùy Tàr ban mfìʼ vidzəə̀sì mbóʼmé, shéʼri mfìʼ yee réŋ.

Nsùyrì Nyùy 94:21

Á lo, á bàʼtí, a ròn wuú wìr ve á yúnin wò, bin nsaʼ ji á yúyrí alànjò.

Ŋgàn 17:26

Dzə̀ kinyo ke bi kí fóo way lànjò é ŋgeʼ, a kí yoʼ ghèén sa ji á dzəv ŋgaà yiì ye juŋe.

Ŋgàn 31:5

Kí yoʼ ghèén gheéy ji áwune nó, e mèŋ fo á dzəə̀n, e shòʼór nsər, a shii e melùʼ, e fiìnè ghay aàghéʼnceyí.

Aysaya 5:20

Lòné dzə̀ wó wìr ve á bínsi kinyo ke bi kí bínsín ji ke juŋ ki, nyaysì ke juŋ ki nyáysin ji ke bi kí. Áwune yoŋ ndzə ye ranén ji vitsə́ʼ, yoŋ vitsə́ʼ ji ndzə ye ranén. Wìr yén kifá ke shiʼirín kí, wù yòŋ ji ke nyomèn kí, yén ke nyomèn kí, wù yòŋ ji ke shiʼirín kí.

Yòvdìy 3:35

lóo bvəʼtí ghay wìr msòŋ, e Nyùy woo Taà Vitu si, là cí,

Remrí 25:1

Mooser wáa yòŋ jii, «A kí kòóy ji wíri lo, a taŋnín, e lò, e wìy sho e lav nsaʼ, á sáʼ, wùmòʼ gbu nsaʼ, wùmòʼ woo wír boy,

Esiker 13:19

Vèn shòór ne yír yém e wír vémé si ji á diy a kù dzə̀ kiwó ke saŋ yee *barli, kìn kimbéʼ ke kiban. Vèn bóʼti wír vém, aá kù koŋ kòŋèn, a kimboʼtì kén kí yúyri wír ve yòʼ kì dzə̀ á kpù, bávti wír ve kì dzə̀ á kpù.›