Ŋgàn 17:14 - ŊWÀʼ NYÙY

¹⁴ Kinyam ki keʼè, kí wàa dzə moo lav ye yì shémé, kí ghèén ji á táv, e sə̀r fo melaà mè nəə́ shó.

Ŋgàn 17:14 Referans Kwoze

Ŋgàn 25:8

lá à yòʼ a tav a dù sho e lav nsaʼ. A ŋgaà shweèsi wò yiì dù, e shòór wò, à lo fo bàm, áà yée le?

Ŋgàn 20:3

Wìr lóo bàʼàr kinyam, bo wù ghvə́m kitú kfə́, yii bèy, a dzə̀ kù kèʼ kiyúŋ kitáŋnìn.

1 Tesalonika 4:11

Vèn ku kfə̀n a jùmrì a dzə̀ dzəʼə̀m yee nyaáŋ, é la wìr yòʼ a wayrí wó e wírí vinyò. Wìr wáa lìm rə́ yee lim, bó a yikír. A dzə̀ mo vèr‑iì suuyin ne e vèn fó mbìy ji vèn wáa yiì a bèy.

Ŋgàn 15:1

Wìr binèr kinyo ji weè, kí wàa ker kimán, binèr ji shwǎŋ, kí ŋàʼár dòʼshwiíy.

Ŋwàʼ woó Rom 12:18

A fə̀m kooy ka ven, vèn kù a mùm ke dzə̀ vèn mùm ji vèn à wíri wáa dzə a nyaáŋ.

Ŋgàn 29:22

Wìr lóo shwiíy kilòŋ, wù màʼ melaà, wìr lóo yu shilív, wù wàa bùʼtì vinyo vinín.

Ŋgàn 26:21

Mo á dzəy kikáysín, kí wàa ghèʼ ji káy və̀y, a meŋkaʼ mè shwí, dzə̀ réŋréŋ mo ŋgaà kinyàm kù yii keʼ melaà.

Ŋgàn 17:19

Wìr wo wù koŋ kinyo ke bi kí yii táŋninè, a wo wù raʼsì wún yíi gbù.

Ŋgàn 16:32

Wìr wo wù rəər dòʼshwíiy və bòŋ, e shaà ntav, a wo wù kfə́menè bòŋ, e shaà ŋgaà rə̀r wo wù soon ŋkàlaʼ.

Ŋgàn 14:29

À kiiy móo kfəmén e wò dòʼshwiíy, bo à dzə̀ fií, a wìr woo ŋgaà dòʼshwiíy dzə̀ kfə́ kiyúŋ.

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

2 Wòŋ 28:6

Peka woo wan Remalia və̀n‑eè yùyrí wíri nsə̀kì kishóv mbaà é wiì (120,000) kishiíy kimòʼón, a kù dzə̀ vé rər vee antav adzə̀m. Kí‑iì kòóy ben, bìʼ fo wír veé Judàa‑aà màʼàyìn ne Nyùy Tàr woo Nyùy atàr vév.

2 Wòŋ 13:17

Fòn Abija wùn à və́ vé rərí neèr wír veé Isray e mentey, e yùyrí wír ansə̀kì ghii tàn (500,000), a dzə̀ wír ve á kiìn móo màʼ rə́r kijuŋ.

2 Samuel 19:41

Wír veé Israyi nèn a wìykìr. Á báʼtí adzə̀m, e nèn kòʼtí e fòn si, e bùn, e dzə̀r shó jii, «Nyàr, afə́r vér veé Judàa sà‑aà wìy, e faàsì wun fo vèr ji ka á? Bó yòʼ sà‑aà yíi lì ver fon wùn à kfə́ə rəə́, à wír vəə́ adzə̀m, e liysín Jordan sho a?»

Ŋgàn 19:11

Wìr fiirì, wù wàa kfəmén e dòʼshwiíy, ŋwáy kitáŋnìn, wù wàa ker ghvə́m.