Ŋgàn 17:12 - ŊWÀʼ NYÙY

¹² Kí bòŋ, é wìr bvə́y e kiyìy ké bvərə̀ʼ ke á koon wán kí kitu, e shaà fóo bvəy e kiyúŋ kí kitu, e yen kiyúŋsì kfə́.

Ŋgàn 17:12 Referans Kwoze

Hosea 13:8

M yíi ghiʼ ven moo nyám ye á yoŋ ji *bear ye á koon wán və, e ghar ven, e shùʼtì bvəm sén. M wíy sàʼtì ven moo bvərə̀ʼ, e lovtí e vèn mo lòvtí nyam kwaʼ.

2 Samuel 17:8

Wù kfən sùúy jii, «Kí à kì ji tàr won wùn à wír vəə́ dzə̀ vé rər ve tavkíné. Áwune sí shévkir moo nyám yee *bear ye kifá ki koon wón və́ é kwaʼ. Á naʼ kee shooy, tàr won dzə̀ wir rə̀r wo dzəə́n, a yòʼ dzə̀ wù shìíy e wírí mvəm.

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

Ŋgàn 28:15

Ŋgaà saʼ wo wù méŋ Nyùy, taá aàŋgàa kitàné kitu kù dzə̀ moo bvərə̀ʼ wo wù nyamkìrì, kìn baá wo jìŋ sòyìn.

Ŋgàn 27:3

Tíyí dzərì, a síy si dzər sa, yii bèy, a tínsín ye kiyúŋ kí tínsin wíri dzə̀r, e shaà vidzə̀m.

2 Afòn 2:24

Wù bìnkìr, e lèéy áwune, e ròʼ e Nyùy Tǎr yir. Viyìy vé nyàm ye á yoŋ ji *bear vímóʼ ví nèn fəə̀ fó kòv vibaà, e yùyrí wón fo áwuné mvəm nshòv sibaà e mkweè, e sàtì e vinsàr vinsàr.

Ŋgàn 17:11

Ŋgaà yiì ye bií kù yii koŋ a tsəy a dzə̀ kóy, aá kù yíi tsənsí ŋgaà ntum woo là mendzən fo wùn wó.

Ŋgàn 29:9

A fiì lò, a bìʼ mbìʼ wùn à kiyúŋ kí, bo kiyúŋ kí kù yíi a shwiíy a dzə̀ kilòŋ, a sheʼ wun shéʼén, a bó kinyo kee réŋ kí yòʼ yíi fəə.