Ŋgàn 17:11 - ŊWÀʼ NYÙY

¹¹ Ŋgaà yiì ye bií kù yii koŋ a tsəy a dzə̀ kóy, aá kù yíi tsənsí ŋgaà ntum woo là mendzən fo wùn wó.

Ŋgàn 17:11 Referans Kwoze

2 Samuel 18:15

Aŋgàa ŋkeè Joav vee ghvə̀me nèn kaàrí Absalom, e màysì, e yùyrí.

1 Afòn 2:46

Fòn nèn yòŋ Benaya woo wan Jehoyiada, wù fəə́ fó ndzə, e ndzə̀n Shimey, e yùyrí. Á bèy, sáʼ Fòn Solomone nèn tùúy.

Ŋwàʼ Luk 19:27

Á bèy lèn, fo aŋgaà vém vibàn ve vé‑eè tén fo m wáa saʼ áwune, vèn wiy shó lèn, e yùyrí e mǒ si.› »

Matio 22:7

Fòn və̀y yén bey, wún vəə́ kìn, wù fəə́r vé rərí, á dù, e teè sa wír ve á kì yuyrin aŋgaà və́ ntum vìy, e tòn ntèʼ yev.

Matio 21:41

Á nèn bìnèr jii, «Bo wù yíi nyàvrì e vifá ve kwaʼ vìy ví, e yuyrí, e fo súm e wír ve səné ve dzə̀ á wàa fo rə́ə yee mbìv vifa.»

1 Afòn 2:31

Fòn yóŋ jii, «Dù ri, e yiì mo wù suuyin. Dùu, e yùyrí wun, e dzəə̀mè. Á bèy, áà nèn tsə̀ʼ lǒn jay mensə fo vèr à tàr wór lav. Jay və̀n dzə̀ yúyrí ye Joav‑iì yuyrin wír vee là jay.

2 Samuel 20:22

Wù nèn dù e yé fìí, e yèn wir dzə̀m woó ŋkàlaʼ. Á nèn tìn kitú ke Sheba woo wír woó kfəə Bikri, e màʼ e Joav fo kitu ke kày. Wù nèn tòŋ sóŋ, rə́r sí mày. Wír vəə́ lò fo ŋkàlaʼ, a dù aáwuné melaʼ, Joav wáa kfən e bàm é Jerusalem, e dù a dzə wùn fòn.

2 Samuel 20:1

Ŋgaà ŋgeʼ ye foón wùmòʼ wáa dzə e Gilgal foo fèy, a yír rəə́ dzə̀ Sheba, a dzə̀ wír woó kfəə Bikri, a dzə̀ rám Benjamin. Wù nèn lò, e tòŋ sóŋ, a waamé, a suúy e wír veé Israyi jii: «Á mèŋ ne vèsən fó wìr Davir. Vèsən fəə́ fo wàn Jessi kinyò. Àáy, wìr veé Isray, vèsən wáa kfənkír e melav.»

2 Samuel 18:19

Ahimaas woo wan Tsadok nèn sùúy e Joav jii, «Ku màʼtì, é m nyéŋ, e dù, e fìʼtì sáʼka və̀n e fòn ji Nyùy Tàr bòyìr a ne wun fo aŋgaà və́ vibàné.»

2 Samuel 15:12

Wù dù, e lòo yiì cu, e tùm wír e Gilo, wù dù, e wìy e Ahitofel wo yì‑iì dzəə̀n taà ntoʼ Davir. Menàŋ me Absalom mè nèn kù a kuy kuyín, ŋgoo rə wáa kùʼ kùʼùn.

Ŋgàn 17:10

Ntir yii kér nsàv e ŋàŋ fo wìr wo wù kiiy jeéyjeéy fó kinyò, e shaà kindzəv wií ke á dzə̀vìn kiyúŋ shó.

Ŋgàn 17:12

Kí bòŋ, é wìr bvə́y e kiyìy ké bvərə̀ʼ ke á koon wán kí kitu, e shaà fóo bvəy e kiyúŋ kí kitu, e yen kiyúŋsì kfə́.

Ŋgàn 24:21

Wan wòm, á ghvəm Nyùy Tàr, e kfə̀n a ghvəm sa fon. Lá à yòʼ tèn fóo yunín sáʼ Nyùy Tàr, à yé fòne.